ପୂଜା ମଣ୍ଡପ, ଭାଗବତ ଟୁଙ୍ଗିରେ ସାମାଜିକ ଦୂରତା ମାନି ପାଠ ପଢ଼ୁଛନ୍ତି ଛାତ୍ରଛାତ୍ରୀ

ଯାଜପୁର: କରୋନା ପାଇଁ ଅନଲାଇରେ ପାଠ ପଢୁଛନ୍ତି ଛାତ୍ରଛାତ୍ରୀ. ହେଲେ ଏମିତି ଅନେକ ସ୍ଥାନ ଅଛି ଯେଉଁଠି ଅନଲାଇନରେ ବି ପାଠ ପଢା ସମ୍ଭବ ହେଉନି. ପିଲା କେମିତି ପାଠ ପଢ଼ି ପରୀକ୍ଷା ଦେବେ ସେ ଚିନ୍ତାରେ ଉଭୟ ଛାତ୍ରଛାତ୍ରୀ ଓ ଅଭିଭାବକ । ତେବେ ଯାଜପୁର ଶିକ୍ଷା ମଣ୍ଡଳ ପକ୍ଷରୁ ପିଲାଙ୍କ ପାଠପଢା ପାଇଁ ଆରମ୍ଭ ହୋଇଛି ରେଡିଓ ପାଠଶାଳା ।

ରେଡିଓ ଶୁଣି ପାଠ ପଢୁଛନ୍ତି ଛାତ୍ରଛାତ୍ରୀ. ଯାଜପୁର ଶିକ୍ଷା ମଣ୍ଡଳରେ ଚାଲିଛି ରେଡିଓ ପାଠଶାଳା. ପୂଜା ମଣ୍ଡପ, ଭାଗବତ ଟୁଙ୍ଗିରେ ସାମାଜିକ ଦୂରତା ମାନି ପଢୁଛନ୍ତି ବିଦ୍ୟାର୍ଥୀ. କରୋନା କାଳରେ ଯାଜପୁର ବ୍ଲକ ଶେଷଦେବ ବାସନ୍ତୀ କଲୋନୀ ଶିକ୍ଷକମାନେ ଗାଁ କୁ ଗାଁ ବୁଲି ମାଇକ ଜରିଆରେ ରେଡିଓରେ ପାଠପଢିବାକୁ ପିଲାଙ୍କୁ ପ୍ରବର୍ତ୍ତାଉଛନ୍ତି ।

ସରକାରଙ୍କ ଏପରି ଉଦ୍ୟମ ଦ୍ବାରା ଅନେକ ପିଲା ଉପକୃତ ହେଉଛନ୍ତି ।ଗତମାସ 28 ତାରିଖରୁ ସୋମବାରରୁ ଶୁକ୍ରବାର ଆକାଶବାଣୀ ଜରିଆରେ ଦିନ 10ଟାରୁ ଦୈନିକ 2ଟି କ୍ଲାସର ଶିକ୍ଷାଦାନ ଚାଲୁଛି. ସରକାର ଓ ଶିକ୍ଷକଙ୍କ ଏଭଳି ଉଦ୍ୟମକୁ ଅଭିଭାବକ ମହଲରେ ବେଶ୍ ପ୍ରଶଂସା କରାଯାଇଛି. ତେବେ ପାଠପଢା ଅବଧି 15 ମିନିଟ ବଦଳରେ ଅଧିକ ବଢାଇବାକୁ ଦାବି ହୋଇଛି । ଅନଲାଇନ ପାଠପଢାରୁ ବଞ୍ଚିତ ହେଉଥିବା ଛାତ୍ରଛାତ୍ରୀଙ୍କୁ ରେଡିଓ ପାଠଶାଳା ବେଶ୍ ସହାୟକ ହେଉଛି ।

https://www.facebook.com/NandighoshaTV/videos/345258289924584