କମାଲ କରିବେ କମଳାକାନ୍ତ, ରଚିବେ ବିଶ୍ୱ ରେକର୍ଡ

ପୁରୀ: ମନୋବଳ ହିଁ ମଣିଷଙ୍କୁ ଶ୍ରେଷ୍ଠ ପ୍ରତିପାଦିତ କରିଥାଏ  । ଶାରିରୀକ ଅକ୍ଷମତା ଆଗରେ ମାନସିକ ସକ୍ଷମତା  ।  ପ୍ରଥମ ଓଡ଼ିଆ ଶାରିରୀକ ଅକ୍ଷମ ଭାବେ ଗିନିଜ୍ ଓ୍ବାର୍ଲଡ ରେକର୍ଡ କରିବାକୁ ଯାଉଛନ୍ତି ଓଡ଼ିଆ ପୁଅ କମଳାକାନ୍ତ ନାୟକ । ପୁରୀ ଜିଲ୍ଲାର ୨୮ ବର୍ଷୀୟ କମଳାକାନ୍ତ ରଚିବାକୁ ଯାଉଛନ୍ତି ବିଶ୍ୱ ରେକର୍ଡ  । ୨୪ ଘଣ୍ଟା ମଧ୍ୟରେ ହୁଇଲ ଚ୍ୟାୟରରେ ସବୁଠାରୁ ଅଧିକ ଦୂରତା କଭର କରିବା ସହ ଗିନିଜ ଓ୍ବାର୍ଲଡ ରେକର୍ଡ କରିବାକୁ ଲକ୍ଷ୍ୟ ରଖିଛନ୍ତି ।  ସେପଟେ ଶନିବାରଠୁ ମାଷ୍ଟରକ୍ୟାଣ୍ଟିଂନଠାରୁ ଏହି ଯାତ୍ରା ଆରମ୍ଭ କରିବେ ବୋଲି କହିଛନ୍ତି ।

ହୁଇଲ ଚ୍ୟାୟରରେ ୨୪ ଘଣ୍ଟା ମଧ୍ୟରେ ପାଖାପାଖି ୨୦୦ କିମି ଯାତ୍ରା କରିବାର ଲକ୍ଷ ରଖିଛନ୍ତି କମଳାକାନ୍ତ । ପୂର୍ବରୁ ଅନେକ ରେକର୍ଡ ମଧ୍ୟ ହାସଲ କରି ସାରିଛନ୍ତି କମଳକାନ୍ତ । କମଳାକାନ୍ତଙ୍କ ଏହି ଏହି ସଫଳତା ପଛରେ ରାଜ୍ୟ ସରକାରଙ୍କ କ୍ରୀଡା ବିଭାଗ ଓ ବେଟର ଲାଇଫ ଫାଉଣ୍ଡେସନର ହାତ ଥିବା ସେ କହିଛନ୍ତି  । ସଭିଙ୍କ ଆଶୀର୍ବାଦ ନେଇ ନୂଆ ରେକର୍ଡ ସନ୍ଧାନରେ ବାହାରିବେ କମଳାକାନ୍ତ  ।