ଶ୍ରୀମନ୍ଦିର ପରିଚାଳନା କମିଟି ବୈଠକ ଶେଷ, ନାଟମଣ୍ଡପ ହେବ ବାତାନୁକୂଳ

ପୁରୀ: ଶ୍ରୀମନ୍ଦିର ପରିଚାଳନା କମିଟି ବୈଠକ ଶେଷ  । ବୈଠକରେ ବହୁ ଗୁରୁତ୍ବପୂର୍ଣ୍ଣ ନିଷ୍ପତ୍ତି ନିଆଯାଇଛି । ନୀତି ଶୃଙ୍ଖଳା ଉପରେ ଆଲୋଚନା ହୋଇଛି ।ନାଟମଣ୍ଡପକୁ ବାତାନୁକୂଳ କରିବାକୁ ନିଷ୍ପତ୍ତି ନିଆଯାଇଛି  ।  ବୟସ୍କ ଲୋକେ କିପରି ଦର୍ଶନ କରିପାରିବେ ସେ ନେଇ ବ୍ୟବସ୍ଥା କରାଯିବ । ସେବାୟତଙ୍କ କଲ୍ୟାଣ ଉପରେ ଆଲୋଚନା ହୋଇଛି  । ସ୍କଲାରସିପ, ସ୍ବାସ୍ଥ୍ୟ ବୀମା, ସ୍ପୋର୍ଟସରେ ଦିଆଯିବ ପ୍ରୋତ୍ସାହନ ।
ମହାପ୍ରଭୁଙ୍କ ଆୟ ବଢିଥିବା ଜଣାପଡିଛି  । ସେହିପରି ମହାପ୍ରଭୁଙ୍କ ଜମିର ସର୍ଭେ କରାଯିବ ।

ଆଡ଼ପ ପହଣ୍ଡି ବିଭ୍ରାଟର ପୁନରାବୃତ୍ତି ନ ହେବାକୁ ଗୁରୁତ୍ଵରୋପ କରାଯାଇଛି । ତଦନ୍ତ କମିଟି କେତେକ କାରଣ ଦର୍ଶାଇଛନ୍ତି ।ଭିଡିଓ ଦେଖି ଭଲ ଭାବେ ଆଉ ଥରେ ତଦନ୍ତ କରିବାକୁ କୁହାଯାଇଛି । କିଏ ଦାୟୀ, ତାହା ଜଣାଇବାକୁ କମିଟିକୁ କୁହାଯାଇଛି । ଅଭିଜ୍ଞ ସେବାୟତଙ୍କୁ ପହଣ୍ଡି ଦାୟିତ୍ଵ ଦେବାକୁ କୁହାଯାଇଛି । ପହଣ୍ଡି କୋଅର୍ଡିନେସନ କମିଟି ତିଆରି କରିବାକୁ କୁହାଯାଇଛି । ଜିଲ୍ଲାପାଳ, ଏସପିଙ୍କୁ ନେଇ ଏକ କମିଟି ଗଠନ କରାଯାଇଛି । ପହଣ୍ଡିରେ କିଏ ରହିବ, କେତେ ଜଣ ରହିବେ, ତାହା ସ୍ଥିର ହେବ  । ସମ୍ଭବ ହେଲେ ଚାରମାଳର ଦୈର୍ଘ୍ୟ ବୃଦ୍ଧି କରାଯିବ । ସେବା ସମୟରେ ସେବାୟତମାନେ ମୋବାଇଲ ବ୍ୟବହାର କରିବେ ନାହିଁ । ପହଣ୍ଡି ବେଳେ ପ୍ରତ୍ଯେକ ଠାକୁରଙ୍କ ଦାୟିତ୍ଵରେ ଜଣେ ବରିଷ୍ଠ ଅଧିକାରୀ ରହିବେ । ଅନଧିକାର ବ୍ୟକ୍ତିଙ୍କୁ ଚିହ୍ନଟ କରିବାକୁ ବ୍ୟବସ୍ଥା ହେବ ।