ଶ୍ରୀମନ୍ଦିର ମହାପ୍ରସାଦର ହେବ ମାନ ପରୀକ୍ଷା

ପୁରୀ : ଶ୍ରୀମନ୍ଦିର ଅବଢ଼ାର ହେବ ମାନ ପରୀକ୍ଷଣ । ମହାପ୍ରସାଦର ହେବ ମାନ ପରୀକ୍ଷା । ରୋଷଶାଳାକୁ ଜିନିଷ ଯିବା ପୂର୍ବରୁ ଓ ରୋଷଶାଳାରୁ ଅବଢ଼ା ବାହାରିବା ପରେ ମାନ ପରୀକ୍ଷଣ କରାଯିବ । ଏଥିପାଇଁ ଶ୍ରୀମନ୍ଦିରରେ ଫୁଡ ଇନ୍ସପେକ୍ଟର ନିୟୋଜିତ ହେବେ । ଏଥିପାଇଁ ସ୍ୱାସ୍ଥ୍ୟ ବିଭାଗକୁ ଅନୁରୋଧ କରାଯାଇଛି ବୋଲି ସୂଚନା ଦେଇଛନ୍ତି ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ । ଅବଢ଼ାର ଶୁଦ୍ଧତା ରଖିବା ପାଇଁ ଫୁଡ ଇନ୍ସପେକ୍ଟର ତଦାରଖ କରିବେ । ମାନ ପରୀକ୍ଷଣ ଦ୍ବାରା ଭକ୍ତ ଆଶ୍ୱସ୍ତ ରହିବା ସହ ଅବଢାରେ ଅଶୁଦ୍ଧତା ରହିବ ନାହିଁ ବୋଲି ଆଇନମନ୍ତ୍ରୀ କହିଛନ୍ତି । ଦୁଇ ଦିନ ତଳେ ଶ୍ରୀମନ୍ଦିରରେ ବ୍ୟବହାର ହେଉଥିବା ଘିଅର ମାନ ମଧ୍ଯ ଯାଞ୍ଚ ହେବ ବୋଲି ଜିଲ୍ଲାପାଳ କହିଛନ୍ତି । ମହାପ୍ରସାଦ, ଶୁଖିଲା ଭୋଗ ଓ ଦୀପରେ ନକଲି ଘିଅ ବ୍ଯବହାର ହେଉଥିବା ଆଶଙ୍କା କରି ଜିଲ୍ଲାପାଳଙ୍କୁ ଅଭିଯୋଗ କରିଥିଲେ ଜଣେ ଆଇନଜୀବୀ । ଏହାପରେ ଶ୍ରୀମନ୍ଦିରରେ ବ୍ଯବହାର ହେଉଥିବା ଘିଅକୁ ଜଣେ ଫୁଡ ସେଫ୍ଟି ଅଧିକାରୀଙ୍କ ଦ୍ବାରା ଯାଞ୍ଚ କରାଯିବ ବୋଲି କହିଥିଲେ ।