ଶୀଘ୍ର ହେଲା ଶ୍ରୀମନ୍ଦିର ବାନା ବନ୍ଧା ନୀତି

ପୁରୀ: କାର୍ତ୍ତିକ ମାସ ପାଇଁ ଶ୍ରୀକ୍ଷେତ୍ରରେ ଲାଗୁଛି ଶ୍ରଦ୍ଧାଳୁଙ୍କ ଭିଡ଼ । ସାଧାରଣ ଦିନ ଅପେକ୍ଷା କାର୍ତ୍ତିକ ମାସରେ ଅଧିକ ଶ୍ରଦ୍ଧାଳୁଙ୍କ ସମାଗମ ହେଉଛି । ଆଉ ଅପରାହ୍ନରେ ଶ୍ରୀଜିଉଙ୍କ ଦର୍ଶନ କରିବାକୁ ଆସିଲେ ଜଣେ ଶ୍ରଦ୍ଧାଳୁ ନିଶ୍ଚିତ ବାନା ବନ୍ଧା ନୀତି ଦର୍ଶନ କରିବାକୁ ଚାହିଁବ । ଏମିତି ସ୍ଥିତିରେ ବାନା ବନ୍ଧା ନୀତି ବେଳେ ପ୍ରବଳ ଭିଡ଼ ପରିଲକ୍ଷିତ ହେଉଛି । ଏହାକୁ ଦୃଷ୍ଟିରେ ରଖି ଆଜିଠାରୁ ଶ୍ରୀମନ୍ଦିରରେ ଶୀଘ୍ର ବାନା ବନ୍ଧା ନୀତି ଆରମ୍ଭ ହୋଇଛି ।

ଆଜି ପରି ଅପରାହ୍ନ ସାଢ଼େ ୩ଟାରୁ ଶ୍ରୀମନ୍ଦିରରେ ବାନା ବନ୍ଧା ନୀତି ସମ୍ପାଦନ ହେବ । ଚୁନର ସେବକମାନେ ଏହି ବାନା ପରିବର୍ତ୍ତନ କରିଥାନ୍ତି । କାର୍ତ୍ତିକ ମାସ ଭିଡ଼କୁ ଦୃଷ୍ଟିରେ ରଖି ସାଢେ ୩ଟାରୁ ବାନା ବନ୍ଧା ନୀତି କରିବାକୁ ଶ୍ରୀମନ୍ଦିର ପ୍ରଶାସନ ଅନୁରୋଧ କରିଥିଲା ।