ପ୍ୟାରିସ ଅଲିମ୍ପିକ୍ସ: ଟିମ୍ ଇଣ୍ଡିଆକୁ ପ୍ରଧାନମନ୍ତ୍ରୀଙ୍କ ଶୁଭେଚ୍ଛା

ନୂଆଦିଲ୍ଲୀ: ଆସନ୍ତା ୨୬ରୁ ଆରମ୍ଭ ହେବ ପ୍ଯାରିସ ଅଲିମ୍ପିକ୍ସ । ଏଥିରେ ସାମିଲ ହେବାକୁ ଥିବା ଭାରତୀୟ ଟିମକୁ ଶୁଭେଚ୍ଛା ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । କ୍ରୀଡାରେ ସେମାନଙ୍କ ଅଭିଜ୍ଞତା ଦେଶବାସୀଙ୍କ ଲାଗି ମୂଲ୍ଯବାନ ହେବ ବୋଲି ଆଶା କରିଛନ୍ତି ପ୍ରଧାନମନ୍ତ୍ରୀ ।

ଏହି ଅବସରରେ ସେ କହିଛନ୍ତି, ଆସନ୍ତା ୨୦୩୬ ଭାରତ ଅଲିମ୍ପିକ୍ସ ଆୟୋଜନ କରିବା ଲାଗି ଆଶାବାଦୀ ରହିଛି । ଭାରତୀୟ ଟିମର ଅବଦାନ ଦେଶରେ ସ୍ପୋର୍ଟିଂ ବାତାବରଣ ସୃଷ୍ଟି କରିବ । ଦେଶରେ ଅଲିମ୍ପିକ୍ସର ଭିତ୍ତିଭୂମି ପ୍ରତିଷ୍ଠା ଲାଗି ଉଦ୍ଯମ ଜାରି ରହିଛି । ଏହି ଅବସରରେ ଷ୍ଟାର ନୀରଜ ଚୋପ୍ରାଙ୍କ ସହ ପୁରୁଷ ହକି ଟିମ, ସୁଟିଂ, ବକ୍ସର ଟିମର ସଦସ୍ଯ ଉପସ୍ଥିତ ଥିଲେ । ଟିମର ପରଫର୍ମାନ୍ସ ୧୪୦ କୋଟି ଭାରତୀୟଙ୍କୁ ଉଦବୁଦ୍ଧ କରିବ ବୋଲି ଆଶାବାଦୀ ଥିବା କହିଛନ୍ତି ପ୍ରଧାନମନ୍ତ୍ରୀ । ଅଲିମ୍ପିକ ପାଇଁ ଭାରତୀୟ ଟିମରେ ଅଛନ୍ତି ଓଡ଼ିଆ କ୍ରାଡ଼ାବିତ କିଶୋର ଜେନା ।