ଗବେଷଣା ପାଇଁ ଜର୍ମାନ ଯିବେ ରାୟଗଡ଼ାର ଝିଅ ପ୍ରୀତିପ୍ରଭା
ରାୟଗଡ଼ା: ରାୟଗଡ଼ା ରାଣିଗୁଡ଼ାର ଯୁବ ବିଜ୍ଞାନୀ ପ୍ରୀତିପ୍ରଭା । ଜର୍ମାନୀରେ ଗବେଷଣା ପାଇଁ ମନୋନୀତ ହୋଇଛନ୍ତି । ନାଇଟ୍ରୋଜେନ୍ ଉପରେ କରିବେ ଗବେଷଣା । ପରିବାରରେ ଖୁସିର ମାହୋଲ । ରାୟଗଡ଼ା ଭଳି ଆଦିବାସୀ ଅଧ୍ୟୁଷିତ ଜିଲ୍ଲାରେ ଉଜ୍ଜ୍ୱଳ ତାରକା ପ୍ରୀତିପ୍ରଭା ସାହୁ । ରାଣୀଗୁଡ଼ା ଅଞ୍ଚଳର ଏହି ଝିଅ ପିଲାଦିନୁ ପାଠପଢ଼ାରେ ଅତିକ୍ରମ କରି ଚାଲିଛନ୍ତି ପାହାଚ ପରେ ପାହାଚ ।
ଯୁବ ବିଜ୍ଞାନୀ ଭାବେ ସର୍ବଭାରତୀୟ ସ୍ତରରୁ ଗବେଷଣା ପାଇଁ ଜର୍ମାନୀରେ ମନୋନୀତ ହୋଇଛନ୍ତି । ଉଚ୍ଚଶିକ୍ଷା ସହିତ ଉଦ୍ଭିଦର ଉତ୍ପାଦନ କ୍ଷମତା ବୃଦ୍ଧି ପାଇଁ ବ୍ୟବହାର ହେଉଥିବା ନାଇଟ୍ରୋଜେନ୍ ଉପରେ ଗବେଷଣା କରିବେ । ଆଦିବାସୀ ଅଧ୍ୟୁଷିତ ଅଞ୍ଚଳରୁ ବାହାରି ଜର୍ମାନୀ ଯାତ୍ରା କରିଥିବା ପ୍ରୀତିପ୍ରଭା ଆସନ୍ତା ୧୪ ତାରିଖରେ ଗବେଷଣା ଆରମ୍ଭ କରିବେ । ଜର୍ମାନୀର ଏଲଏମୟୁ ବିଶ୍ୱ ବିଦ୍ୟାଳୟରେ ପିଏଚଡି କରିବା ସହିତ ନାଇଟ୍ରୋଜେନ ଉପରେ କରିବେ ଗବେଷଣା ।
ଉଦ୍ଭିଦ କ୍ଷମତା ବୃଦ୍ଧି ପାଇଁ ପ୍ରୟୋଗ ହେଉଥିବା ନାଇଟ୍ରୋଜେନ୍ ସାରକୁ କିଭଳି ଭାବେ ସମ୍ପୂର୍ଣ୍ଣ ବନ୍ଦ କରାଯିବ ତାହାର ଗବେଷଣା ସହିତ ଏହା ଦ୍ୱାରା ହେଇଥିବା ପ୍ରଦୂଷଣରୁ କିଭଳି ଭାବେ ରୋକା ଯାଇପାରିବ ତା’ ଉପରେ ପରୀକ୍ଷା ନିରୀକ୍ଷା କରିବେ ବୋଲି ପ୍ରତିପ୍ରଭା କହିଛନ୍ତି । ଝିଅର ଏହି ସଫଳତା ଶୁଣିବା ପରେ ପରିବାର ବର୍ଗରେ ଖୁସିର ମାହୋଲ ଖେଳି ଯାଇଛି ।
