ପୋଲାଭରମ ପ୍ରସଙ୍ଗରେ ରାଜ୍ୟ ସରକାର ଚୁପ୍ ରହିବା ସମସ୍ତଙ୍କୁ ଆଚମ୍ବିତ କରିଛି: ପ୍ରଦୀପ ମାଝୀ
1 min read
ଭୁବନେଶ୍ବର: ପୋଲାଭରମ ପ୍ରସଙ୍ଗରେ ମୁଖ୍ଯମନ୍ତ୍ରୀଙ୍କ ଠାରୁ ଜବାବ ମାଗିଛି ବିଜେଡି। ଏକ ସାମ୍ବାଦିକ ସମ୍ମିଳନୀରେ ବିଜେଡି ନେତା ପ୍ରଦୀପ ମାଝୀ ପ୍ରଶ୍ନ କରିଛନ୍ତି, ଏହି ପ୍ରସଙ୍ଗରେ ରାଜ୍ଯ ସରକାର ଓ ବିଜେପି କାହିଁକି ଚୁପ୍ ରହିଛନ୍ତି।
ପ୍ରଦୀପ କହିଛନ୍ତି-ଦିଲ୍ଲୀରେ ହୋଇଥିବା ନୀତି ଆୟୋଗ ବୈଠକରେ ମୁଖ୍ଯମନ୍ତ୍ରୀ ଏହି ପ୍ରସଙ୍ଗ ନ ଉଠାଇ ନାହାନ୍ତି। ଏଥରୁ ଜଣାପଡୁଛି, ସେ ପୋଲାଭରମକୁ ସମର୍ଥନ କରୁଛନ୍ତି। ଓଡ଼ିଶାବାସୀ ଏହି ପ୍ରକଳ୍ପକୁ ଆରମ୍ଭରୁ ବିରୋଧ କରୁଛନ୍ତି। କାରଣ ଏହି ପ୍ରକଳ୍ପ ଦ୍ବାରା ମାଲକାନଗିରିର ବହୁ ଅଞ୍ଚଳ ବୁଡ଼ିଯିବ। ଲୋକେ ବାସହରା ହେବେ।
ଓଡ଼ିଶାର ଉଦବେଗକୁ ଅଣଦେଖା କରି ବଜେଟରେ ନିର୍ମଳା ସୀତାରମଣ ଘୋଷଣା କରିଥିଲେ, ପୋଲାଭରମକୁ ଦିଆଯିବ ଅନୁଦାନ। ସେହିପରି କିଛି ତଳେ ଜଳଶକ୍ତି ମନ୍ତ୍ରୀ ସିଆର ପାଟିଲ କହିଛନ୍ତି, ୨୦୨୬ ମାର୍ଚ୍ଚ ସୁଦ୍ଧା ପୋଲାଭରମ ପ୍ରକଳ୍ପକୁ କାର୍ଯ୍ଯକ୍ଷମ କରାଯିବ। କିନ୍ତୁ ରାଜ୍ଯ ସରକାର କି ବିଜେପି ଏହାକୁ ବିରୋଧ କରୁନାହାନ୍ତି। ଚୁପ୍ ରହିଛନ୍ତି। ପ୍ରଦୀପ ମାଝୀ କହିଛନ୍ତି, ମୁଖ୍ଯମନ୍ତ୍ରୀ ନିଜେ ଏହି ପ୍ରସଙ୍ଗରେ ହସ୍ତକ୍ଷେପ କରନ୍ତୁ ଓ ଜବାବ ରଖନ୍ତୁ ବୋଲି ଦାବି କରିଛନ୍ତି ପ୍ରଦୀପ ମାଝୀ।
