ଦିଲ୍ଲୀରେ ଲଗାତର ଭାବେ ଷଷ୍ଠ ଦିନରେ ପହଞ୍ଚିଛି ପ୍ରଦୂଷଣ, ଲୋକେ ହନ୍ତସନ୍ତ

ଦିଲ୍ଲୀ : ଲଗାତର ଭାବେ ଷଷ୍ଠ ଦିନରେ ପହଞ୍ଚିଛି ପ୍ରଦୂଷଣ । ମୁଣ୍ଡକାରେ ବାୟୁର ଗୁଣବତ୍ତା ୪୨୦କୁ ପାର, ସେହିପରି ଆନନ୍ଦ ବିହାରରେ ୪୧୬, ପଞ୍ଜାବୀ ବାଗରେ ୪୧୬, ୱାଜିରପୁରରେ ୪୦୮ ରହିଛି । ଯାହାକି ଚିନ୍ତାର ବିଷୟ ପାଲଟିଯାଇଛି  । ଏହାର ଭିତରେ ଏକ ସାଂଘାତିକ ତଥ୍ୟ ସାମ୍ନାକୁ ଆସିଛି  । ଦିଲ୍ଲୀ ବାୟୁର ଗୁଣବତ୍ତା ଖରାପ ହେବାରେ ପଞ୍ଜାବ ଦାୟୀ । ପଞ୍ଜାବ କ୍ଷେତରେ ନିଆଁ ଲାଗିବା କାରଣରୁ ବଢିଚାଲିଛି ପ୍ରଦୂଷଣ  । ଦିନକରେ ୨୦୦୦ କ୍ଷେତରେ ଫସଲ ଅବଶେଷରେ ଲଗାଯାଉଛି ନିଆଁ । ବୁଧବାର ଦିନ ପଞ୍ଜାବରେ ନିଆଁ ଲାଗିବା ଘଟଣା ସଂଖ୍ୟା ୧୯୨୧ ରହିଛି  । ସେହିପରି ମଙ୍ଗଳବାର ଦିନ ୧୩୮୯ ଏବଂ ସୋମବାର ଦିନ ୧୦୩୦ ରହିଛି । ଯାହାର ସିଧାସଳଖ ପ୍ରଭାବ ଦିଲ୍ଲୀର ବାୟୁମଣ୍ଡଳ ଉପରେ ପଡୁଛି । ବାୟୁର ଗୁଣବତ୍ତା ୩୬୪ ଥିବା ବେଳେ ,ମଙ୍ଗଳବାର ଦିନ ୩୫୯,ବୁଧବାର ଦିନ ପଞ୍ଜାବୀ ବାଗ ,ମୁଣ୍ଡକା ଏବଂ ଆନନ୍ଦ ବିହାରରେ ବାୟୁର ଗୁଣବତ୍ତା ୪୦୧ରୁ ୫୦୦ ଶ୍ରେଣୀରେ ପହଞ୍ଚିଛି  ।

ଏହି ଖବର ଉପରେ ନଜର ପକାନ୍ତୁ : ତଥ୍ୟ ଲିକକୁ ନେଇ କେନ୍ଦ୍ର ସୂଚନା ଓ ପ୍ରଯୁକ୍ତି ମନ୍ତ୍ରାଳୟ ପକ୍ଷରୁ ଆପଲକୁ ନୋଟିସ

ସେପଟେ ବୁଧବାର ଦିନ ପର୍ଯ୍ୟବେକ୍ଷଣ ମନ୍ତ୍ରୀ ଦିଲ୍ଲୀରେ ହଟସ୍ପଟ ପାଲଟୁଥିବା ସ୍ଥାନରେ ଗୋଟେ ସପ୍ତାହ ପର୍ଯ୍ୟନ୍ତ ଗ୍ରାଫ-୨ ନିୟମ ଲାଗୁକରିଛନ୍ତି । ଏଥି ସହିତ ସମସ୍ତ ନିର୍ମାଣଧୀନ କାର୍ଯ୍ୟକୁ ସାମୁୟିକ ଭାବେ ବନ୍ଦ ରଖିଛନ୍ତି । ସଫର ଏଜେନ୍ସିଂଙ୍କ ମୁତାବକ ନଡା ଜାଳିବା ଦ୍ୱାରା ୧ ନଭେମ୍ବରରେ ବାୟୁର ଗୁଣବତ୍ତା ୧୨.୯୬% ଥିବା ବେଳେ ୨୭ ଅକ୍ଟୋବରରେ ବୃଦ୍ଧି ଘଟି ୨୩.୪୮%ରେ ପହଞ୍ଚିଛି । ବର୍ତ୍ତମାନ ରାଜ୍ୟରେ ପ୍ରଭାବିତ ହେଉଥିବା ଉତ୍ତର ପଶ୍ଚିମ ମୌସୁମୀ ବାୟୁ କାରଣରୁ ଫସଲର ଅବଶେଷ ଜଳାଯିବା ଫଳରେ ସେଥିରୁ ବାହାରୁଥିବା ଧୂଆଁର ପ୍ରଭାବ ସିଧାସଳଖ ଦିଲ୍ଲୀ ଉପରେ ପଡୁଛି । ବର୍ତ୍ତମାନ ଦିଲ୍ଲୀ ପ୍ରଦୂଷଣ ମାତ୍ରାକୁ ଦେଖିଲେ ସ୍ଥିତିରେ ସୁଧାର ଆସିବା ନିମନ୍ତେ ଏକ ବର୍ଷ ସମୟ ଲାଗିବ ବୋଲି ଆକଳନ କରିଛନ୍ତି ଆଇଏମଡି ଡିଜି ।