ଲକ୍ଷ୍ନୌ: ଏବେ ମର୍ଡନ ଯୁଗରେ ସମସ୍ତଙ୍କୁ ବାଇ କରିଛି ସୋସିଆଲ ମିଡ଼ିଆ । କିନ୍ତୁ ଏହି ସୋସିଆଲ ମିଡିଆ କାହାପାଇଁ ବରଦାନ ପାଲଟୁଥିବା ବେଳେ କାହା ପାଇଁ ଏହା ଅଭିଶାପ ପାଲଟିଯାଉଛି। ସେହିପରି ନିକଟରେ ଏକ ମହିଳା କନେଷ୍ଟବଳଙ୍କୁ ଭାରି ପଡିଲା ରିଲ୍ ଭିଡିଓ । କେବଳ ଜଣେ ନୁହେଁ ମହିଳା କନେଷ୍ଟବଳଙ୍କ ସମେତ ୩ଜଣ ପୋଲିସ କର୍ମଚାରୀଙ୍କୁ ନିଜ ଚାକିରି ହରାଇବାକୁ ପଡ଼ିଛି । ପୋଲିସ ପୋଷାକରେ ହିନ୍ଦି ପିଲ୍ମ ଗୀତରେ ଭିଡିଓ ବନାଇ ନିଜ କାର୍ଯ୍ୟରେ ଅବହେଳା କରିଥିବାରୁ ତାଙ୍କୁ ଏପରି ପରିମାଣ ଭୋଗିବାକୁ ପଡିଛି ।
ଉତ୍ତରପ୍ରଦେଶର ହରଦୋଇ ଜେଲରେ ଜଣେ ମହିଳା କନେଷ୍ଠବଳଙ୍କ ଭିଡିଓ ସାମ୍ନାକୁ ଆସିଛି । ଯେଉଁଥିରେ ସେ ହେଲ୍ପ ଡେକ୍ସରେ ବସି ପୋଲିସ ପୋଷାକରେ ଫିଲ୍ମ ଗୀତରେ ଆଖିରେ ଏକ୍ସପ୍ରେସନ ଦେଇ ଭିଡିଓ ବନାଇଛନ୍ତି । ଏହା ଛଡ଼ା ଆଉ ଏକ ଭିଡ଼ିଓରେ ସେହି ମହିଳା ଜଣକ ସିପାହୀ ରୋଡରେ ଦୁଇ ପୁରୁଷ ପୋଲିସ କର୍ମଚାରୀଙ୍କ ସହିତ ମଧ୍ୟ ରିଲ ଭିଡିଓ ବନାଇଥିବା ଦେଖିବାକୁ ମିଳିଛି ।ମହିଳା ପୋଲିସଙ୍କ ଏପରି ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ପୋଲିସ ଅଧିକାରୀ ଏପରି କାର୍ଯ୍ୟକୁ କଡ଼ା ନିନ୍ଦା କରିବା ସହ ମହିଳା କର୍ମଚାରୀଙ୍କ ସମେତ ୩ଜଣ ପୋଲିସ କର୍ମଚାରୀଙ୍କୁ କାର୍ଯ୍ୟରୁ ନିଲମ୍ବିତ କରିଛନ୍ତି ।
