ଠକ ତୃପ୍ତି ନାଁରେ ୧୩ଟି ଆକାଉଣ୍ଟ, ୧୩ ଲକ୍ଷ ଟଙ୍କା ଫ୍ରିଜ୍ କଲା ପୋଲିସ
ଭୁବନେଶ୍ୱର: ଓଏଲଏକ୍ସରେ ସେକେଣ୍ଡ ହ୍ୟାଣ୍ଡ ଗାଡ଼ି ଦେବାକୁ କହି ଠକେଇ ମାମଲା । ଠକ ତୃପ୍ତି ରଞ୍ଜନ ଦାସର ସରିଲା ସାତ ଦିନିଆ ରିମାଣ୍ଡ ଅବଧି । ରିମାଣ୍ଡ ସରିବା ପରେ ଜେଲ ଯାଇଛି ଠକ ତୃପ୍ତି ରଞ୍ଜନ । ତୃପ୍ତି ନାଁରେ ବିଭିନ୍ନ ବ୍ୟାଙ୍କରେ ୧୩ଟି ଆକାଉଣ୍ଟ୍ ଠାବ ହୋଇଥିବା ବେଳେ ୧୩ ଲକ୍ଷ ଟଙ୍କା ଫ୍ରିଜ୍ କରିଛି ପୋଲିସ । ୨୦୧୧ରୁ ତୃପ୍ତି ରଞ୍ଜନ ଠକେଇ ଆରମ୍ଭ କରିଥିବା ବେଳେ ୯ଟି ସଂସ୍ଥା କରି ଓଡ଼ିଶାରୁ ୧ କୋଟି ଠକେଇ କରିଛି ।
ହ୍ୟାଲୋ କ୍ୟାବ ୧୫ ଲକ୍ଷ ଓ ଜେଡ ଫାର୍ମାରେ ୧୨ ଲକ୍ଷ ଟଙ୍କା ବିନିଯୋଗ କରିଥିଲା ତୃପ୍ତି । କୋଲକାତାରେ ମଧ୍ୟ ହ୍ୟାଲୋ କ୍ୟାବ ଖୋଲିବାକୁ ଯୋଜନା କରିଥିଲା । ତୃପ୍ତିଙ୍କ ବିରୋଧରେ ୨୦ଟି ଫ୍ରେସ୍ କେସ୍ ରେଜିଷ୍ଟର ହୋଇଛି । ଆଗକୁ ଅଭିଯୋଗ ସଂଖ୍ୟା ବଢିପାରେ । ତେବେ ଦରକାର ପଡ଼ିଲେ ପୁଣି ଥରେ ରିମାଣ୍ଡରେ ଆଣିପାରେ ପୋଲିସ ।
