ମୋ ବସରେ ଲୁଟ୍ ଘଟଣା: ଦୁଇଜଣଙ୍କୁ ଗିରଫ କଲା ସହିଦନଗର ପୋଲିସ୍

ଭୁବନେଶ୍ୱର: ମୋ ବସରେ ଲୁଟ୍ ଘଟଣାରେ ଦୁଇଜଣଙ୍କୁ ଗିରଫ କରିଛି ସହିଦନଗର ପୋଲିସ୍ । ଗିରଫ ଦୁଇ ଅଭିଯୁକ୍ତ ହେଲେ ସଞ୍ଜୟ ସିଂ, ଗଣେଶ ପ୍ରଧାନ । ଚୋରି ଗ୍ୟାଙ୍ଗର ଏହି ଦୁଇ ଜଣ ଥିଲେ ଲିଡର । ଏମାନଙ୍କ ସହ 6 ରୁ 7 ଜଣ ସାମିଲ ଅଛନ୍ତି । ଏହି ଗ୍ୟାଙ୍ଗ ବିଶେଷ କରି ଭିଡ଼ ଭିତରେ ଯାତ୍ରୀଙ୍କ ପକେଟରୁ ମୋବାଇଲ ଓ ପର୍ସ ଚୋରି କରୁଥିଲେ । ଏହାସହ ତାଲା ପଡ଼ିଥିବା ଘର ଓ ସକାଳୁ ମର୍ଣ୍ଣଂଓ୍ବାକରେ ଯାଉଥିବା ଲୋକଙ୍କୁ କରୁଥିଲେ ଟାର୍ଗେଟ । ଖାଲି ସ୍ଥାନ ଓ ସ୍କୁଲରେ ଏହି ଗ୍ୟାଙ୍କ ରାତି ବିତାଉଥିଲେ ।

ଦୁଇଜଣଙ୍କୁ ଗିରଫ କରିବା ସହ ସେମାନଙ୍କ ନିକଟରୁ 15 ଟି ମୋବାଇଲ, ଲ୍ୟାପଟପ୍, ଗୋଟିଏ ସୁନା କାନଫୁଲ ମଧ୍ୟ ଜବତ କରିଛି ପୋଲିସ୍ । ମହିଳା ଓ ଛୋଟ ପିଲାକୁ ବ୍ୟବହାର କରି ଏହି ଗ୍ୟାଙ୍ଗ ଚୋରି କରୁଥିଲେ । ବିଶେଷକରି ଜୟଦେବ ବିହାରରୁ ପଟିଆ ଓ ବରମୁଣ୍ଡାରୁ ରସୁଲଗଡ଼ ରୁଟରେ ଚୋରି କରୁଥିଲେ ଏହି ଗ୍ୟାଙ୍ଗ । ପାର୍ବଣ ଋତୁରେ ସମସ୍ତ ଥାନାକୁ ଆକ୍ଟିଭ କରାଯାଇଛି, ସମସ୍ତ ଥାନା ଆର୍ଲର୍ଟ ଅଛି, ପେଟ୍ରୋଲିଂ କରାଯାଉଛି । ସମସ୍ତ ଦୋକାନ, ସପିଙ୍ଗ ମଲ, ସୁନା ଦୋକାନ ଓ ଗହଳି ସ୍ଥାନ ଉପରେ ପୋଲିସ ନଜର ରଖିଛି ବୋଲି କହିଛନ୍ତି ଡିସିପି ।