ଜି-୨୦ ସମ୍ମିଳନୀରେ ଚୀନ ରାଷ୍ଟ୍ରପତିଙ୍କୁ ଭେଟିଲେ ପ୍ରଧାନମନ୍ତ୍ରୀ ମୋଦି

ବାଲି: ଜି-୨୦ ସମ୍ମିଳନୀରେ ଚୀନ ରାଷ୍ଟ୍ରପତିଙ୍କୁ ଭେଟିଲେ ପ୍ରଧାନମନ୍ତ୍ରୀ ମୋଦି । ଇଣ୍ଡୋନେସିଆର ବାଲିରେ ଚୀନ ରାଷ୍ଟ୍ରପତି ସି ଜିନପିଙ୍ଗଙ୍କୁ ଭେଟିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଇଣ୍ଡୋନେସିଆ ରାଷ୍ଟ୍ରପତି ଜୋକୋ ଓ୍ୱିଡୋଡୋ ପକ୍ଷରୁ ବିଶ୍ୱନେତାଙ୍କୁ ରାତ୍ର ଭୋଜନ ପାଇଁ ନିମନ୍ତ୍ରଣ କରାଯାଇଥିବା ବେଳେ ସେଠାରେ ଦୁହେଁ ଭେଟଘାଟ ହୋଇଥିଲେ ।

ଏହି ସମୟରେ ଉଭୟ କିଛି ସମୟ ଧରି କଥାବାର୍ତ୍ତା ହୋଇଥିଲେ । ଦୁଇ ଦେଶ ମଧ୍ୟରେ ସୀମା ବିବାଦ ଏବେ ବି ଚାଲିଥିବା ବେଳେ ଦୁଇ ନେତାଙ୍କ ଆଲୋଚନା ବେଶ୍ ଗୁରୁତ୍ୱବହନ କରୁଛି । ତେବେ ସେମାନଙ୍କ ମଧ୍ୟରେ ଭେଟଘାଟ ନେଇ କୌଣସି ପ୍ରକାର ସମୟ ଧାର୍ଯ୍ୟ ହୋଇନଥିଲା । ଏହା ଏକ ଔପଚାରିକ ଭାବେ ଭେଟ୍ ଘାଟ ବୋଲି ଜଣାପଡ଼ିଛି ।