ଛଅ ରାଜ୍ୟର ଲାଇଟ ହାଉସ ଶିଳାନ୍ୟାସ କଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ: ୬ ରାଜ୍ୟରେ ଲାଇଟ୍ ହାଉସ୍ ପ୍ରକଳ୍ପର ଶିଳାନ୍ୟାସ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି  । ସକାଳ ୧୧ଟା ବେଳେ ଭିଡିଓ କନ ଫରେନ୍ସ ଯୋଗେ ପ୍ରଧାନମନ୍ତ୍ରୀ ଏହି ଭୂକମ୍ପ ନିରୋଧୀ ଗୃହର  ଭିତ୍ତି ପ୍ରସ୍ତର ସ୍ଥାପନା କରିଛନ୍ତି  ।  ଏହି ୬ ରାଜ୍ୟ ମଧ୍ୟରେ ତ୍ରିପୁରା, ଝାଡଖଣ୍ଡ, ଉତ୍ତରପ୍ରଦେଶ, ମଧ୍ୟପ୍ରଦେଶ, ଗୁଜୁରାଟ ଓ ତାମିଲନାଡୁ ରହିଛି ।

ଇନ୍ଦୋର, ରାଜକୋଟ, ଚେନ୍ନାଇ, ରାଞ୍ଚି, ଅଗରତାଲା ଓ ଲକ୍ଷ୍ନୌରେ ଏହି ଲାଇଟ୍ ହାଉସ୍ ପ୍ରକଳ୍ପ ନିର୍ମାଣ ହେବ  । ପ୍ରତ୍ୟେକ ସ୍ଥାନରେ ପ୍ରାୟ ୧ହଜାର ଗୃହ ନିର୍ମାଣ ହେବ  । ଗ୍ଲୋବାଲ ହାଉସିଂ ଟେକ୍ନୋଲୋଜି ଚ୍ୟାଲେଞ୍ଜ ଇଣ୍ଡିଆ (ଜିଏଚଟିସି ଇଣ୍ଡିଆ) ଅଧୀନରେ ଏହି ରାଜ୍ୟଗୁଡ଼ିକରେ ଏହି ଗୃହ ନିର୍ମାଣ ଆରମ୍ଭ ହେବ  । ଏହି ଅବସରରେ PMAY ଏବଂ ASHA-India ପୁରସ୍କାର ମଧ୍ୟ ବଣ୍ଟନ କରିଛନ୍ତି  ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।