ପ୍ରକାଶ ପାଇଲା ଯୁକ୍ତ ଦୁଇ ଦ୍ୱିତୀୟ ପର୍ଯ୍ୟାୟ ମେଧା ତାଲିକା, ଆଗରେ ରେଭେନ୍ସା ଉଚ୍ଚ ମାଧ୍ୟମିକ ସ୍କୁଲ
ଭୁବନେଶ୍ୱର: ପ୍ରକାଶ ପାଇଲା ଯୁକ୍ତ ଦୁଇ ଦ୍ୱିତୀୟ ପର୍ଯ୍ୟାୟ ମେଧା ତାଲିକା । ଆଗରେ ରହିଛି ରେଭେନ୍ସା ଉଚ୍ଚ ମାଧ୍ୟମିକ ସ୍କୁଲ । ୨୮ ହଜାର ୮୪୪ ଛାତ୍ର, ୨୫ ହଜାର ୭୮୭ ଛାତ୍ରୀ, ୨ ଜଣ ତୃତୀୟ ଲିଙ୍ଗ ମନୋନୀତ ହୋଇଛନ୍ତି । ସେ ମଧ୍ୟରେ କଳାର ୪୦ ହଜାର ୮୭୧ , ବାଣିଜ୍ୟରେ ୨ ହଜାର ୬୪୪, ବିଜ୍ଞାନରେ ୧୦ ହଜାର ୩୮୨, ସଂସ୍କୃତି ରେ ୨୬୯, ଧନ୍ଦାମୂଳକ ଶିକ୍ଷା ରେ ୪୬୭ ଜଣ ମନୋନୀତ ହୋଇଛନ୍ତି ।
ବିଜ୍ଞାନ, କଳା ଓ ବାଣିଜ୍ୟରେ ରେଭେନ୍ସା ଉଚ୍ଚ ମାଧ୍ୟମିକ ସ୍କୁଲ ସବୁଠାରୁ ଆଗରେ ରହିଛି । କଳାରେ ୭୬.୫, ବିଜ୍ଞାନ ରେ ୨୦ ପ୍ରତିଶତ, ବାଣିଜ୍ୟରେ ୫୦ ପ୍ରତିଶତ । ଦ୍ୱିତୀୟ ରେ ଅଛି ବିଜେବି ଉଚ୍ଚ ମାଧ୍ୟମିକ ସ୍କୁଲ କଳା ରେ ୭୬.୪, ସେହିଭଳି ତୃତୀୟ ରେ ଭଦ୍ରକ ଉଚ୍ଚ ମାଧ୍ୟମିକ ସ୍କୁଲ ୭୩.୧୭ । ବିଜ୍ଞାନ ରେ ଦ୍ୱିତୀୟରେ ରହିଛି ବିଜେବି ଉଚ୍ଚ ମାଧ୍ୟମିକ ସ୍କୁଲ ୮୮.୩୩, ତୃତୀୟରେ ରହିଛି ଉପେନ୍ଦ୍ରନାଥ ଉଚ୍ଚ ମାଧ୍ୟମିକ ସ୍କୁଲ ସୋର ୮୬.୩୩ । ସେହିଭଳି ବାଣିଜ୍ୟରେ ଦ୍ୱିତୀୟରେ ରହିଛି ରାଉରକେଲା ସରକାରୀ ଉଚ୍ଚ ମାଧ୍ୟମିକ ସ୍କୁଲ ୭୯.୫, ତୃତୀୟରେ ଶୈଳବାଲା ମହିଳା ଉଚ୍ଚ ମାଧ୍ୟମିକ ସ୍କୁଲ ରହିଛି ୭୫.୫ ପ୍ରତିଶତ ।
