ବିମାନ ଦୁର୍ଘଟଣା ପାଇଁ ପାଇଲଟ୍ ଦାୟୀ

1 min read
Pilot Error Led To Air India Express Crash In Kerala Last Year Says Probe Agency

କୋଝିକୋଡେ: ଏୟାର ଇଣ୍ଡିଆ ବିମାନ ଦୁର୍ଘଟଣା ପାଇଁ ପାଇଲଟ୍ ଦାୟୀ । ପାଇଲଟଙ୍କ ଭୁଲ୍ ପାଇଁ ଗତବର୍ଷ କେରଳ କୋଝିକୋଡରେ ଦୁର୍ଘଟଣାଗ୍ରସ୍ତ ହୋଇଥିଲା ଏୟାର ଇଣ୍ଡିଆ ବିମାନ । ପାଇଲଟ ଏସଓପି ପାଳନ କରି ନଥିବାରୁ ଏହି ଦୁର୍ଘଟଣା ଘଟିଥିଲା ବୋଲି ପ୍ରକାଶିତ ରିପୋର୍ଟରେ କୁହାଯାଇଛି । ଯେଉଁଥିପାଇଁ ଦୁର୍ଘଟଣାରେ ୨୧ଜଣ ଲୋକଙ୍କ ମୃତ୍ୟୁ ଘଟିଥିଲା ।

Pilot Error Led To Air India Express Crash In Kerala Last Year Says Probe Agency

ବିମାନବନ୍ଦର ଦୁର୍ଘଟଣା ତଦନ୍ତ ବ୍ୟୁରୋ ପକ୍ଷରୁ ପ୍ରକାଶିତ ରିପୋର୍ଟରେ କୁହାଯାଇଛି, ବିମାନକୁ ଅବତରଣ କରାଇବା ବେଳେ ପାଇଲଟ ଗୋ ଆରାଉଣ୍ଡ ନିୟମ ଉଲ୍ଲଂଘନ କରିଥିଲେ ଏବଂ ବିମାନର ନିୟନ୍ତ୍ରଣ ନେଇ ପାଇଲଟ ମନିଟରିଂ ବିଫଳ ହୋଇଥିଲା । ଫଳରେ ଏହି ବିମାନ ଦୁର୍ଘଟଣା ଘଟିଥିଲା ବୋଲି ୨୫୭ ପୃଷ୍ଠା ସମ୍ବଳିତ ତଦନ୍ତ ରିପୋର୍ଟରେ ଦର୍ଶାଯାଇଛି । ଅବତରଣ କରିବାକୁ ଯାଉଥିବା ଏକ ବିମାନର ନିରାପତ୍ତା ସକାଶେ ଯଦି ପାଇଲଟ ସମ୍ଭାବ୍ୟ ଲ୍ୟାଣ୍ଡିଂ ନ କରିବାକୁ ଚାହାଁନ୍ତି ତେବେ ଏହାକୁ ଗୋ ଆରାଉଣ୍ଡ କୁହାଯାଇଥାଏ । ଏନେଇ ପାଇଲଟ ଏୟାର ଟ୍ରାଫିକ କଣ୍ଟ୍ରୋଲକୁ ଅବଗତ କରାଇବା ସହ ଅନ୍ୟ ଏକ ସ୍ଥାନରେ ବିମାନର ଅବତରଣ କରାଇଥାନ୍ତି । ମାତ୍ର ଉକ୍ତ ବିମାନ କ୍ଷେତ୍ରରେ ତାହା ଘଟି ନଥିଲା । ପାଇଲଟଙ୍କ ତ୍ରୁଟି ସହ କେତେକ ବ୍ୟବସ୍ଥାଗତ ବିଫଳତା ଯୋଗୁ ଏହି ବିମାନ ଦୁର୍ଘଟଣା ଘଟିଥିଲା ।

Pilot Error Led To Air India Express Crash In Kerala Last Year Says Probe Agency

ଗତ ବର୍ଷ ଅଗଷ୍ଟ ୭ ତାରିଖରେ ବୋଇଂ ୭୩୭ ଏୟାର ଇଣ୍ଡିଆ ବିମାନ ବନ୍ଦେ ଭାରତ ମିଶନରେ ଦୁବାଇରୁ ୧୮୬ ଯାତ୍ରୀ ଓ ୬ କ୍ରିଉ ମେମ୍ବରଙ୍କୁ ନେଇ କେରଳ କୋଝିକୋଡେକୁ ଆସିଥିଲା । ମାତ୍ର ଅବତରଣ ବେଳେ ଦୁର୍ଘଟଣା ଯୋଗୁଁ ୧୯ ଯାତ୍ରୀ ଓ ୨ ପାଇଲଟ ପ୍ରାଣ ହରାଇଥିଲେ । ଖରାପ ପାଗ ଯୋଗୁଁ ଲ୍ୟାଣ୍ଡିଂ ନେଇ ଦୁଇଟି ପ୍ରୟାସ ବିଫଳ ହେବା ପରେ ବିମାନଟି ବିମାନବନ୍ଦର ନିକଟରେ ଧକ୍କା ଖାଇ ୩ ଖଣ୍ଡ ହୋଇଯାଇଥିଲା । ଯଦିଓ ଅବତରଣ ସକାଶେ ବିକଳ୍ପ ଏୟାରଫିଲ୍ଡ ଥିଲା ତଥାପି ପାଇଲଟ ନିୟମ ନ ମାନି ସେଠାରେ ବିମାନ ଅବତରଣ କରାଇବାରୁ ଏହି ଦୁର୍ଘଟଣା ଘଟିଥିଲା ।

Opn Commnet Area

Leave a Reply

Your email address will not be published. Required fields are marked *

Close Bitnami banner