ଫୋନ୍ ପେ’ରେ ରିଚାର୍ଜ କଲେ ଦେବାକୁ ପଡ଼ୁଛି ଅଧିକ ଟଙ୍କା

ଆପଣ ଯଦି ୫୦ ଟଙ୍କାରୁ କମ୍‌ ଟଙ୍କା ଫୋନ୍‌ରେ ରିଚାର୍ଜ କରୁଛନ୍ତି ତେବେ କୌଣସି ଦେୟ ଦେବାକୁ ପଡ଼ିବ ନାହିଁ। କିନ୍ତୁ ୫୦ ଟଙ୍କାରୁ ଅଧିକ ଏବଂ ୧୦୦ ଟଙ୍କାରୁ କମ୍‌ ରିଚାର୍ଜ କଲେ ଆପଣଙ୍କୁ ୧ ଟଙ୍କା ଏବଂ ୧୦୦ ଟଙ୍କାରୁ ଅଧିକ ଟଙ୍କାର ରିଚାର୍ଜ କଲେ ଆପଣଙ୍କୁ ୨ ଟଙ୍କା ଦେୟ ଦେବାକୁ ପଡ଼ିବ। ସେପଟେ ଫୋନ୍ ପେ’ ମୁଖପାତ୍ର କହିଛନ୍ତି , ଦେୟ ନେଉଥିବା ଏହା ପ୍ରଥମ ପେମେଣ୍ଟ ପ୍ଲାଟଫର୍ମ ନୁହେଁ । ବରଂ ବିଲ୍ ପେମେଣ୍ଟ ଉପରେ ଏହା ଏକ ଛୋଟ ଚାର୍ଜ କରୁଥିବା ଏକ ଷାଣ୍ଡାର୍ଡ ପ୍ରାକ୍ଟିସ୍ । ଏବଂ କମ୍ପାନୀ କେବଳ କ୍ରେଡିଟ୍ କାର୍ଡରୁ ପେମେଣ୍ଟରେ ପ୍ରୋସେସିଂ ଫିସ୍ ନେବ ବୋଲି ସୂଚନା ଦେଇଛି । କିନ୍ତୁ ଯେକୌଣସି କାର୍ଡରୁ ପେମେଣ୍ଟ ବେଳେ ପ୍ରୋସେସିଂ ଫି’ ନିଆଯାଉଥିବା ଦେଖିବାକୁ ମିଳିଛି ।  ସୂଚନା ଥାଉ କି, ବର୍ତ୍ତମାନ ସମୟରେ ପାଖାପାଖି ୩୦୦ ମିଲିୟନରୁ ଅଧିକ ୟୁଜର୍ସ ଫୋନ୍‌ ପେ’ ବ୍ୟବହାର କରୁଛନ୍ତି।