ରାସ୍ତାରେ ତଳି ରୋଇ ପ୍ରତିବାଦ କରିଛନ୍ତି ଶତାଧିକ ଲୋକ

ନନ୍ଦିଘୋଷ ବ୍ୟୁରୋ: ଲୋକଙ୍କ ଅଭିନବ ପ୍ରତିବାଦ । ରାସ୍ତାରେ ତଳି ରୋଇ ଅଭିନବ ପ୍ରତିବାଦ କରିଛନ୍ତି ଶତାଧିକ ଲୋକ । ଏଭଳି ଘଟଣା ଦେଖିବାକୁ ମିଳିଛି କଳାହାଣ୍ଡି ଜିଲ୍ଲା କୋକସରା ବ୍ଲକ ସାନ ପୋଡ଼ାଗୁଡ଼ା  ପଂଚାୟତ ମଙ୍ଗଳପୁର ଗାଁରେ । ଏହି ଗାଁରେ ବହୁ ଦିନ ଧରି ରାସ୍ତା ସମସ୍ଯା ଲାଗି ରହିଥିଲା । ପ୍ରଶାସନକୁ ଅନେକ ଥର ଗ୍ରାମବାସୀ ଜଣାଇଥିଲେ ମଧ୍ଯ ପ୍ରଶାସନ ତାଙ୍କ କଥାକୁ କର୍ଣ୍ଣପାତ କରୁନଥିବା ଗ୍ରାମବାସୀ ମାନେ ଅଭିଯୋଗ କରିଛନ୍ତି । ଏନେଇ ଆଜି ଗ୍ରାମବାସୀ ମାନେ ରାସ୍ତାରେ ଧାନ ତଳି ରୋଇ ରାସ୍ତା ପାଇଁ ପ୍ରତିବାଦ କରିଛନ୍ତି । ଯଦି ଆଗାମୀ ଦିନରେ ପ୍ରଶାସନ ରାସ୍ତା ସମସ୍ୟାର ସମାଧାନ ନ କରନ୍ତି। ତେବେ ବ୍ଲକ ସମ୍ମୁଖରେ ଧାରଣାରେ ବସିବେ ବୋଲି କହିଛନ୍ତି ମଙ୍ଗଳପୁର ଗ୍ରାମବାସୀ ।