ଆଦିତ୍ୟ ଦାସ ମୃତ୍ୟୁ ମାମଲାର ସିବିଆଇ ତଦନ୍ତ ଦାବି
ଭୁବନେଶ୍ୱର: କିଛି ଦିନର ନିରବତା ପରେ ପୁଣି ଫେରିଲା ସମାଜସେବୀ ଆଦିତ୍ୟଦାସ ମୃତ୍ୟୁ ମାମଲା । ଘଟଣାରେ ସିବିଆଇ ତଦନ୍ତ ଦାବି କରିଛି ପିପୁଲ ଫର ସେବା ସଂଗଠନ । ଘଟଣାର ତଦନ୍ତ କ୍ରାଇମ ବ୍ରାଞ୍ଚ କରୁଥିବା ବେଳେ ତଦନ୍ତ ଦିଗହରା ହୋଇଯାଇଥିବା ଅଭିଯୋଗ କରିଛି ସଂଗଠନ। ଘଟଣାର ସିବିଆଇ ତଦନ୍ତ ଦାବି କରି ପିପୁଲ ଫର ସେବା ସଂଗଠନ ପକ୍ଷରୁ ରାଜ୍ୟପାଳଙ୍କୁ ସ୍ମାରକପତ୍ର ପ୍ରଦାନ କରାଯାଇଛି। ଜୁଲାଇ ୭ତାରିଖରେ ଆଦିତ୍ୟ ଦାସଙ୍କ ମରଶରୀର ଲିଙ୍ଗରାଜ ଷ୍ଟେସନ ନିକଟରେ ରେଳଧରଣାରୁ ଉଦ୍ଧାର ହୋଇଥିଲା। ଜିଆରପି ପ୍ରଥମେ ଅପମୃତ୍ୟୁ ମାମଲା ରୁଜୁ କରିଥିଲେ ହେଁ ପରେ ହତ୍ୟା ମାମଲା ରୁଜୁ କରି ତଦନ୍ତ କରିଥିଲା। ପରେ ଘଟଣାର ତଦନ୍ତ ଭାର ରାଜ୍ୟ ସରକାର କ୍ରାଇମବ୍ରାଞ୍ଚକୁ ହସ୍ତାନ୍ତର କରିଥିଲେ । ହେଲେ ଧିରେ ଧିରେ ଆଦିତ୍ୟ ମୃତ୍ୟୁ ମାମଲା ଦିଗହରା ହେଉଥିବାରୁ ସିବିଆଇ ଏହାର ତଦନ୍ତ କରୁ ବୋଲି ଦାବି ଜୋର ଧରିଛି ।
