ମେହବୁବା ମୁଫତିଙ୍କୁ ଝଟକା: ପିଡିପି ଛାଡ଼ିଲେ ପ୍ରତିଷ୍ଠାତା ସଦସ୍ୟ
ଶ୍ରୀନଗର: ଶନିବାର ପିଡିପିରୁ ଇସ୍ତଫା ଦେଇଛନ୍ତି ଦଳର ବରିଷ୍ଠ ନେତା ମୁଜାଫର ହୁସେନ ବେଗ୍ । ଆସନ ଭାଗବଣ୍ଟା ନେଇ ସେ ଅସନ୍ତୁଷ୍ଟ ଥିବା ବେଳେ ସେ ଏଥିଯୋଗୁଁ ଇସ୍ତଫା ଦେଇଥିବା ସୂଚନା । ଦଳର ପ୍ରତିଷ୍ଠାତା ସଦସ୍ୟ ମୁଜାଫର ହୁସେନ ଜିଲ୍ଲା ଉନ୍ନୟନ ପରିଷଦ ନିର୍ବାଚନ ନେଇ ହୋଇଥିବା ଆସନ ଭାଗବଣ୍ଟାରେ ଅସନ୍ତୋଷ ଥିଲେ । ୧୯୯୮ ମସିହାରୁ ଦଳ ସହ ଜଡ଼ିତ ଥିଲେ ମୁଜାଫର । ସେ ନିଜ ଇସ୍ତଫା ଦଳ ମୁଖ୍ୟ ମେହବୁବା ମୁଫତିଙ୍କୁ ପଠାଇଥିବା ସୂଚନା । ତେବେ ଏଯାଏଁ ମୁଜାଫରଙ୍କ ପକ୍ଷରୁ କୌଣସି ସୂଚନା ମିଳିପାରିନାହିଁ ।
ତେବେ ପାର୍ଟି ପକ୍ଷରୁ ମଧ୍ୟ ସେ ଆସନ ଭାଗବଣ୍ଟା ନେଇ ଅସନ୍ତୋଷ ଥିବା କୁହାଯାଇଛି । ବିଶେଷ କରି ଉତ୍ତର କଶ୍ମୀରରେ ଆସନ ଭାଗବଣ୍ଟା ନେଇ ସେ ଅସନ୍ତୁଷ୍ଟ ।
