ସୁଶାନ୍ତଙ୍କୁ ଆତ୍ମହତ୍ୟା କରିବାକୁ ଉସକାଇଥିବା ଅଭିଯୋଗରେ ସଲମାନଙ୍କ ସମେତ ୮ ଜଣଙ୍କ ନାଁରେ ଏତଲା
ମୁଜଫରପୁର: ବଲିଉଡରେ ଏକ ଉଚ୍ଚକୋଟିର କଳାକାର ଭାବେ ଗଢ଼ିଉଠୁଥିବା ସୁଶାନ୍ତ ସିଂହ ରାଜପୁତଙ୍କ ଆତ୍ମହତ୍ୟା ମାମଲା ଏବେ ଜୋର ଧରିବାରେ ଲାଗିଛି । ଗୋଟେପଟେ ଏହି ଘଟଣାକୁ ନେଇ ପଟନାରେ ବିରୋଧ ପ୍ରଦର୍ଶନ କରାଯାଇଥିବା ବେଳେ ଆତ୍ମହତ୍ୟାର ଏହି ମାମଲାରେ ବିହାର ମୁଜାଫରନଗରରେ ବଲିଉଡରେ ଭାଇଜାନ ବୋଲାଉଥିବା ସଲମାନ ଖାନଙ୍କ ସମେତ ୮ଜଣ ବ୍ୟକ୍ତିଙ୍କ ନାମରେ ଏତଲା ଦାଖଲ କରାଯାଇଛି ।
ଆତ୍ମହତ୍ୟା କରିବାକୁ ଉସକାଇଥିବା ନେଇ ଅଭିଯୋଗ
ନିର୍ମାତା କରଣ ଜୋହର, ଆଦିତ୍ୟ ଚୋପ୍ରା, ଏକତା କପୁର, ସଞ୍ଜୟ ଲୀଲା ଭନସାଲୀ, ସାଜିଦ ନାଦିଆଡୱାଲାଙ୍କ ସମେତ ସଲମାନ ଖାନଙ୍କ ସମେତ ଚଳଚ୍ଚିତ୍ର ଦୁନିଆର ୮ ଜଣ ବ୍ୟକ୍ତିଙ୍କ ବିରୋଧରେ ସୁଧୀର ଓଜା ଅଭିଯୋଗ କରିଛନ୍ତି । ଦାଖଲ ହୋଇଥିବା ଅଭିଯୋଗ ଅନୁଯାୟୀ, ମୃତ ଅଭିନେତା ସୁଶାନ୍ତଙ୍କୁ ଆତ୍ମହତ୍ୟା କରିବାକୁ ବାଧ୍ୟ କରିଥିବା ଅଭିଯୋଗକାରୀ ଅଭିଯୋଗ କରିଛନ୍ତି। ଅଭିଯୋଗକାରୀ ଅଭିଯୋଗରେ ଲେଖିଛନ୍ତି ଯେ ସୁଶାନ୍ତ ବିହାରର ବାସିନ୍ଦା ଏବଂ ତାଙ୍କ ପ୍ରତିଭା ଯୋଗୁଁ ସେ ଇଣ୍ଡଷ୍ଟ୍ରିରେ ଏକ ଭଲ ନାମ କମାଇଥିଲେ । ତେଣୁ ଏହି ସମସ୍ତ ଅଭିଯୁକ୍ତ ସୁଶାନ୍ତଙ୍କ ବିରୁଦ୍ଧରେ ଷଡ଼ଯନ୍ତ୍ର କରି ତାଙ୍କୁ ଚଳଚ୍ଚିତ୍ରରେ ସୁଯୋଗ ନଦେବାକୁ ଚେଷ୍ଟା କରିଥିଲେ।
ଏହି ଆଧାରରେ ଦାଖଲ କରାଯାଇଛି କେସ୍
ଦାଖଲ ହୋଇଥିବା ମକଦ୍ଦମା ଅନୁଯାୟୀ କରନ ଜୋହର ଏବଂ ଆଦିତ୍ୟ ଚୋପ୍ରା ସୁଶାନ୍ତଙ୍କ ଫିଲ୍ମ ‘ପାନି’ ରିଲିଜକୁ ବନ୍ଦ କରିବାକୁ ଷଡଯନ୍ତ୍ର କରିଥିଲେ। ଏହି ସବୁ ପରିସ୍ଥିତିରେ ସୁଶାନ୍ତ ଏହି ପଦକ୍ଷେପ ନେଇଥିଲେ। ଏହି ସମସ୍ତ ଅଭିଯୁକ୍ତଙ୍କ ବିରୋଧରେ ଆଇପିସିର ଧାରା 306/109/504/506 ଅନୁଯାୟୀ ସିଜେଏମ୍ କୋର୍ଟରେ ଏକ ମକୋଦ୍ଦମା ଦାୟର କରାଯାଇଛି ଯାହା କୋର୍ଟ ଗ୍ରହଣ କରିଛନ୍ତି। ଏହି ମାମଲାର ଶୁଣାଣି ପାଇଁ ଜୁଲାଇ ୩ ତାରିଖ ଧାର୍ଯ୍ୟ କରାଯାଇଛି। ଏହାପୂର୍ବରୁ ବୁଧବାର ଦିନ ସୁଶାନ୍ତ ସିଂଙ୍କ ପିତା କେ.କେ ସିଂ ମୁମ୍ବାଇରୁ ପୁଅର ଅସ୍ତି କଳସ ନେଇ ପାଟନାରେ ପହଞ୍ଚିଥିଲେ। ପରିବାର ସହ ଜଡିତ ଲୋକମାନେ କହିଛନ୍ତି ଯେ ସୁଶାନ୍ତଙ୍କ ଅସ୍ତି କଳସ ପାଟଣାର ଏକ ଗଙ୍ଗା ଘାଟରେ ବିସର୍ଜିତ କରାଯିବ ।
ମୁମ୍ବାଇରୁ ପଟନା ଫେରିଲେ ବାପା
ରବିବାର ଦିନ ମୁମ୍ବାଇ ଫ୍ଲାଟରେ ଫାଶୀ ଲଗାଇ ସୁଶାନ୍ତ ସିଂହ ରାଜପୁତ ଆତ୍ମହତ୍ୟା କରିଥିଲେ । ସମଗ୍ର ଦେଶ ସମେତ ବଲିଉଡ ଜଗତ ସୁଶାନ୍ତ ସିଂ ରାଜପୁତଙ୍କ ମୃତ୍ୟୁରେ ଅତ୍ୟନ୍ତ ନିରାଶ ହୋଇଛନ୍ତି । ସୁଶାନ୍ତଙ୍କ ମୃତ୍ୟୁ ପରେ ପାଟନା ଏବଂ ନାଲନ୍ଦାରେ ତାଙ୍କର ଦୁଇ ପ୍ରଶଂସକ ଅବସାଦରେ ଆତ୍ମହତ୍ୟା କରିଥିବାବେଳେ ପୂର୍ବରୁ ଅସୁସ୍ଥ ଥିବା ତାଙ୍କ ସମ୍ପର୍କୀୟ ଭାଉଜଙ୍କର ମଧ୍ୟ ମୃତ୍ୟୁ ହୋଇଛି । ସୁଶାନ୍ତଙ୍କ ମୃତ୍ୟୁକୁ ସେ ସହଜରେ ନେଇ ପାରିନଥିଲେ ।
ପାଟନାରେ ଜାରି ରହିଛି ବିରୋଧ ପ୍ରଦର୍ଶନ
ସୁଶାନ୍ତଙ୍କ ମୃତ୍ୟୁ ପରେ ଲୋକଙ୍କ କ୍ରୋଧ ଏବେ ଚରମ ସୀମାରେ ପହଞ୍ଚିଛି । ମଙ୍ଗଳବାର ଦିନ ରାଜଧାନୀ ପାଟନା ସମେତ ଅନ୍ୟ ଅଞ୍ଚଳରେ ତାଙ୍କ ମୃତ୍ୟୁ ଘଟଣାର ତଦନ୍ତ ଦାବିରେ ବିକ୍ଷୋଭ ପ୍ରଦର୍ଶନ କରାଯାଇଥିଲା ।
