କରୋନା ପାଇଁ ଆସିଲା ପ୍ରଥମ ଆୟୁର୍ବେଦିକ ଔଷଧ, ଆଜି ଘୋଷଣା

ନୂଆଦିଲ୍ଲୀ: ଦୁନିଆରେ ଆତଙ୍କ ଖେଳାଇଥିବା କରୋନା ଭାଇରସର ଚିକିତ୍ସା ପାଇଁ ସବୁଠି ଚାଲିଛି ପରୀକ୍ଷା ନୀରିକ୍ଷା ଓ ଅନୁସନ୍ଧାନ । ଏହାରି ଭିତରେ ବାବା ରାମଦେବଙ୍କ ସଂସ୍ଥ ପତଞ୍ଜଳି ଆଣିଛି ଖୁସି ଖବର । ସଂସ୍ଥା କରୋନା ପାଇଁ ପ୍ରଥମ ଆୟୁର୍ବେଦିକ ଔଷଧ କୋରୋନିଲ୍ ପ୍ରସ୍ତୁତ କରିଛି । ଆଜି ବିଧିବଦ୍ଧ ଭାବେ ସଂସ୍ଥା ପକ୍ଷରୁ ସମ୍ପୂର୍ଣ୍ଣ ବୈଜ୍ଞାନିକ ବିବରଣୀ ସହିତ କୋରୋନିଲ୍ ଲଞ୍ଚ କରାଯିବ ।

https://twitter.com/Ach_Balkrishna/status/1275059403750703116

ହରିଦ୍ୱାରର ପତଞ୍ଜଳି ଯୋଗପୀଠରେ ଆଚାର୍ଯ୍ୟ ବାଳକୃଷ୍ଣ କୋରୋନିଲ୍ ଲଞ୍ଚ କରିବେ । ଏହି ଅବସରରେ ସେଠାରେ ବାବା ରାମଦେବ ଉପସ୍ଥିତ ରହିବେ । କୋରୋନିଲର କ୍ଲିନିକାଲ ଟ୍ରାଏଲ ସରିଛି । ଆଜି ସଂସ୍ଥାର ଏହାର ଫଳାଫଳ କିଭଳି ରହିଛି କହିବ । ଟ୍ରାଏଲରେ ସାମିଲ୍ ଥିବା ବୈଜ୍ଞାନିକ ଓ ଡାକ୍ତରୀ ଟିମ୍ ମଧ୍ୟ ଉପସ୍ଥିତ ରହିବେ ।

ଏହି ଔଷଧ ପତଞ୍ଜଳି ରିସର୍ଚ୍ଚ ଇନଷ୍ଟିଚ୍ୟୁଟ୍, ହରିଦ୍ୱାର ଏବଂ ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସ, ଜୟପୁର ମିଳିତ ଭାବେ ପ୍ରସ୍ତୁତ କରିଛନ୍ତି । ଔଷଧ ନିର୍ମାଣ କରିଛି ଦିବ୍ୟ ଫାର୍ମାସୀ ହରିଦ୍ୱାର ଓ ପତଞ୍ଜଳି ଆୟୁର୍ବେଦିକ ଲିମିଟେଡ୍ ହରିଦ୍ୱାର ।