ପାରାଦୀପ ଆଇଓସିଏଲ ରିଫାଇନାରୀରେ ହେବ ମେଣ୍ଟେନାନ୍ସ କାର୍ଯ୍ୟ, ଘୋଷଣା ହେଲା ୨୧ ଦିନିଆ ସଟଡାଉନ୍
ପାରାଦୀପ: ୨୧ ଦିନ ପାଇଁ ପାରାଦୀପ ଆଓସିଏଲ୍ ତୈଳ ବିଶୋଧନାଗାର ସଟ୍ଡାଉନ୍ ହେବ । ଜୁଲାଇ ୨୫ ତାରିଖରୁ ଅଗଷ୍ଟ ୧୫ ତାରିଖ ପର୍ଯ୍ୟନ୍ତ ବନ୍ଦ କରିବାକୁ ନିଷ୍ପତ୍ତି ହୋଇଛି । ଉଭୟ ଜିଲ୍ଲା ପ୍ରଶାସନ ଓ ତୈଳ ବିଶୋଧନାଗାର କର୍ତ୍ତୃପକ୍ଷ ଏଭଳି ନିଷ୍ପତ୍ତି ନେଇଛନ୍ତି । ତେବେ ସଟଡାଉନ୍ ସମୟରେ ତୈଳ ବିଶୋଧନାଗାରର ମେଣ୍ଟେନାନ୍ସ କାମ କରାଯିବ ।
୨୦୧୮ ମସିହାପରଠୁ କୌଣସି ମେଣ୍ଟେନାନ୍ସ କାର୍ଯ୍ୟ ହୋଇନାହିଁ । ତେବେ ସଟ୍ଡାଉନ୍ ସମୟରେ ଆଖପାଖ ଅଞ୍ଚଳରେ ୧୪୪ ଧାରା ଜାରି କରାଯିବ । ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ର ଏହି ନେଇ ସୂଚନା ଦେଇଛନ୍ତି । ତେବେ ଏହି ରିଫାଇନାରୀର ବାର୍ଷିକ ଉତ୍ପାଦନ କ୍ଷମତା ୧୫ ମିଲିୟନ ଟନ୍ ହୋଇଥିବା ବେଳେ ଏହା ୨୦୧୬ ଫେବୃଆରୀ ୭ ତାରିଖରୁ କାର୍ଯ୍ୟରତ ରହିଛି ।
