ପଙ୍କଜ ଲୋଚନ ମହାନ୍ତି ହେଲେ ଓସିଏ ନୂଆ ସଭାପତି

କଟକ: ଓସିଏର ନୂଆ ସଭାପତି ଭାବେ ନିର୍ବାଚିତ ହେଲେ ପଙ୍କଜ ଲୋଚନ ମହାନ୍ତି । ଖାଲି ପଡ଼ିଥିବା ସଭାପତି ପଦ ପାଇଁ ସେ ଏକାକୀ ନାମାଙ୍କନ ଦାଖଲ କରିଥିଲେ । ତାହା ଭ୍ୟାଲିଡ୍ ବି ରହିଥିଲା । ଆଉ କେହି ନାମାଙ୍କନ ଦାଖଲ କରି ନଥିବାରୁ ପଙ୍କଜ ଓସିଏର ସଭାପତି ହେବା ନିଶ୍ଚିତ ।

କେବଳ ଆନୁଷ୍ଠାନିକ ଘୋଷଣା ବାକି ରହିଛି । ଆଗରୁ ସେ ଓସିଏର ଉପସଭାପତି ଥିଲେ । ଏହି ପଦରୁ ଇସ୍ତଫା ଦେଇ ସେ ନୂଆ ପଦ ଗ୍ରହଣ କରିବେ । ଆସନ୍ତା ଫେବୃଆରୀ ୨୩ ରେ ତାଙ୍କୁ ଏ ସଂପର୍କିତ ସାର୍ଟିଫିକେଟ ଦିଆଯିବ ।