ଶୋଏବ ମଲିକଙ୍କ କାର ଦୁର୍ଘଟଣାଗ୍ରସ୍ତ, ଅଳ୍ପକେ ବର୍ତ୍ତିଲେ

1 min read

ନୂଆଦିଲ୍ଲୀ: ପାକିସ୍ତାନର ଷ୍ଟାର୍ କ୍ରିକେଟର ତଥା ଅଲରାଉଣ୍ଡର ଶୋଏବ ମଲିକଙ୍କ କାର୍ ରବିବାର ରାତିରେ ଦୁର୍ଘଟଣାଗ୍ରସ୍ତ ହୋଇଛି। ଭାରତୀୟ ଟେନିସ୍ ଷ୍ଟାର୍ ସାନିଆ ମିର୍ଜାଙ୍କ ସ୍ୱାମୀ ଶୋଏବଙ୍କ କାର ଲାହୋର ନିକଟ ରାସ୍ତା କଡ଼ରେ ପାର୍କିଂ ହୋଇଥିବା ଟ୍ରକକୁ ଧକ୍କା ଦେଇଥିଲା ।

ଏହି ଦୁର୍ଘଟଣା ଏତେ ଭୟଙ୍କର ଥିଲା ଯେ ଶୋଏବଙ୍କ କାର୍ ସମ୍ପୂର୍ଣ୍ଣ କ୍ଷତିଗ୍ରସ୍ତ ହୋଇଛି । ହେଲେ ସେ ଅଳ୍ପକେ ବର୍ତ୍ତି ଯାଇଛନ୍ତି।  ଟେନିସ୍ ତାରକା ସାନିଆ ମିର୍ଜାଙ୍କ ସ୍ୱାମୀ ଶୋଏବ ମଲିକ ପାକିସ୍ତାନ ସୁପର ଲିଗ୍ ପ୍ଲେୟାର ଡ୍ରାଫ୍ଟ କାର୍ଯ୍ୟକ୍ରମମରୁ ଘରକୁ ଫେରୁଥିବା ବେଳେ ଲାହୋର ସ୍ଥିତ ନ୍ୟାସନାଲ୍ ହାଇ ପରଫାର୍ମସ୍ ସେଣ୍ଟର ନିକଟରେ ଏକ ଟ୍ରକ୍ ସହ ତାଙ୍କ କାର ଧକ୍କା ହୋଇଥିଲା।

ଖବର ଅନୁଯାୟୀ, ଶୋଏବଙ୍କ ସ୍ପୋର୍ଟସ କାର ଦ୍ରୁତ ବେଗରେ ଥିଲା । କୗେଣସି କାରଣବଶତଃ ସେ ଭାରସାମ୍ୟ ହରାଇବାରୁ କାରଟି ରାସ୍ତା କଡ଼ରେ ଅଟକି ରହିଥିବା ଏକ ଟ୍ରକକୁ ଧକ୍କା ଦେଇଥିଲା । ଏହି ଦୁର୍ଘଟଣାରେ ତାଙ୍କର ସ୍ପୋର୍ଟ୍ସ କାରଟି  ସମ୍ପୂର୍ଣ୍ଣ କ୍ଷତିଗ୍ରସ୍ତ ହୋଇଛି।

ତେବେ ଏନେଇ ଶୋଏବଙ୍କ ପକ୍ଷରୁ କୌଣସି ପ୍ରତିକ୍ରିୟା ମିଳି ପାରିନାହିଁ ।

Leave a Reply