ପଦମପୁର ଉପନିର୍ବାଚନ: ସନ୍ଧ୍ୟା ୬ଟା ସୁଦ୍ଧା ୮୦.୫% ମତଦାନ

ପଦମପୁର: ପଦମପୁରରେ ସରିଛି ମତଦାନ ସମୟ । ଶାନ୍ତିଶୃଙ୍ଖଳାର ସହ ଶେଷ ହୋଇଛି ପଦମପୁର ଉପନିର୍ବାଚନ ପାଇଁ ମତଦାନ । ପାଗ ଅନୁକୂଳ ଥିବାରୁ ସକାଳ ୭ଟାରୁ ୩୧୯ଟି ବୁଥରେ ଲମ୍ବା ଲାଇନରେ ଠିଆ ହୋଇ ସେମାନଙ୍କର ମତାଧିକାର ସାବ୍ୟସ୍ତ କରିଛନ୍ତି । ଇଭିଏମରେ ସିଲ୍ ହୋଇଛି ୧୦ ଜଣ ପ୍ରାର୍ଥୀଙ୍କ ଭାଗ୍ୟ । ଏଥର ହୋଇଛି ରେକର୍ଡ ମତଦାନ ।

୨୦୧୯ସାଧାରଣ ନିର୍ବାଚନକୁ ଟପିଲା ଭୋଟିଂ ହାର । ସନ୍ଧ୍ୟା ସୁଦ୍ଧା ୮୦ ଦଶମିକ ୫ ପ୍ରତିଶତ ଭୋଟିଂ ହୋଇଛି । ୨୦୧୯ ନିର୍ବାଚନରେ ୭୯ ଦଶମିକ ୦୫ ପ୍ରତିଶତ ମତଦାନ ହୋଇଥିଲା । ଭୋଟିଂ ସରିବା ପରେ ପଦମପୁର ଅଣାଯାଇଛି ଇଭିଏମ । ୨ ଥାକିଆ ସୁରକ୍ଷା ବ୍ୟବସ୍ଥା ଭିତରେ ରହିବ ଇଭିଏମ । ୮ତାରିଖ ସକାଳୁ ଆରମ୍ଭ ହେବ ଭୋଟ ଗଣତି ।