spot_img

Latest Posts

କପିଳେଶ୍ୱର ମନ୍ଦିରରୁ ୨୦ ଲକ୍ଷରୁ ଊର୍ଦ୍ଧ୍ୱ ଟଙ୍କାର ସୁନା, ରୁପା ଅଳଙ୍କାର ଓ ଦାନ ଟଙ୍କା ଲୁଟ୍

ନନ୍ଦିଘୋଷ ବ୍ୟୁରୋ:  ଠାକୁରଙ୍କୁ ବି ଡରୁ ନାହାନ୍ତି । ପାପ ପୁଣ୍ୟ ବିଚାର ବି ନାହିଁ । ଠାକୁରାଣୀଙ୍କ ୨୦ ଲକ୍ଷରୁ ଅଧିକ ଟଙ୍କାର ଅଳଙ୍କାର ଓ ଦାନ ରାଶି ଚୋରି। ଏହି ଘଟଣା ହେଉଛି ପୁରୀ ଜିଲ୍ଲା କୋଣାର୍କ ରାମଚଣ୍ଡୀ ଥାନା ବାବା କପିଳେଶ୍ଵର ମନ୍ଦିରର । ଦୁର୍ବୃତ୍ତ ମାନେ ମୁଖ୍ୟ ଗେଟ ତାଲାକୁ କଟରରେ କାଟି ଭିତର ଗେଟ ତାଲା ଭାଙ୍ଗି ରୁପା ମୁକୁଟ ଓ ସବୁ ଅଳଙ୍କାର ପୋଛି ନେଇଛନ୍ତି । ମା ପାର୍ବତୀଙ୍କ ସୁନା ଆଖି ନୋଥ ଆଖିପତା ନାସା ଚିତା ମୁକୁଟ, ସୁନା କିରିଟି, ଦୁଇ କେଜିରୁ ଅଧିକ ରୁପା ଅଳଙ୍କାର ସବୁ କିଛି ନେଇ ଯାଇଛନ୍ତି। କେବଳ ସେତିକି ନୁହେଁ, ହୁଣ୍ଡି ଭାଙ୍ଗି ଲକ୍ଷାଧିକ ଦାନ ଟଙ୍କା ବି ନେଇ ଯାଇଛନ୍ତି। ସକାଳୁ ପୂଜକ ଭାସ୍କର ନାୟକ ଆଉ ମାନସ ପଣ୍ଡା ମନ୍ଦିରକୁ ଆସି ଦେଖିବା ପରେ ପୋଲିସକୁ ଖବର ଦିଆଯାଇଥିଲା। ପୋଲିସ ଓ ସାଇଣ୍ଟିଫିକ୍ ଟିମ୍ ପହଞ୍ଚି ତଦନ୍ତ କରୁଛନ୍ତି । କିଛି ଦିନ ଆଗରୁ କୋଣାର୍କ ରାମ ମନ୍ଦିରରୁ ମଧ୍ୟ ଏମିତି ଲୁଟ୍ ହୋଇଥିଲା । କିଛି ଦିନ ହେଲାଣି ନିମାପଡ଼ା, କୋଣାର୍କ, ଅସ୍ତରଙ୍ଗ ଅଞ୍ଚଳରେ ମାତିଛନ୍ତି ମନ୍ଦିର ଚୋରି ।

Latest Posts

Don't Miss