ସାରୁଅରେ ହକ୍‌ ଓ ଅହଂକାରର ଲଢେଇ, ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ ଲୋଡ଼ିଲା ରାଷ୍ଟ୍ରୀୟ ଦଳିତ ମହାସଭା

ଭୁବନେଶ୍ୱର: ହକ୍‌ ଓ ଅହଂକାରକୁ ନେଇ ଚାଲିଛି ଲଢେଇ । ଖୋର୍ଦ୍ଧା ସାରୁଅରେ ୪ ଦିନ ହେଲା ନ୍ୟାର୍ଯ୍ୟ ଦାବିକୁ ନେଇ ସଂଗ୍ରାମ ଚାଲିଥିବାବେଳେ ଓଟିଭି କର୍ତ୍ତୃପକ୍ଷ କିନ୍ତୁ ଅହଂକାରରେ ବୁଡ଼ି ରହିଛନ୍ତି । ଆନ୍ଦୋଳନକାରୀଙ୍କ ଦାବି ଶୁଣିବା କଥା ପଛେ , ଆଡ ଆଖିରେ ଅନଉ ନାହାଁନ୍ତି ଜଗି ମଙ୍ଗତଙ୍କ ପଣ୍ଡା । ଏପରି ସ୍ଥିତିରେ ଆନ୍ଦୋଳନକୁ ସମର୍ଥନ କରି ଧାରଣାରେ ସାମିଲ ହୋଇଛି ରାଷ୍ଟ୍ରୀୟ ଦଳିତ ମହାସଭା । ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ ଲୋଡିବା ସହ ଦାବି ପୂରଣ ନହେଲେ ରାଜରାସ୍ତା ଜାମ ହେବ ବୋଲି ଚେତାବନୀ ଦେଇଛି ମହାସଭା । ସେପଟେ ବୈଜୟନ୍ତ ପଣ୍ଡା ଗରିବ ଓ ଶ୍ରମିକ ବିରୋଧୀ ଆଭିମୁଖ୍ୟକୁ ନେଇ କେନ୍ଦ୍ରର ଦୃଷ୍ଟି ଆକର୍ଷଣ କରିଛନ୍ତି ରାଜ୍ୟ ସଭା ଏମପି ସସ୍ମିତ ପାତ୍ର  ।

Dear @PMOIndia Sir, as per OLR Act, non-Dalits cant buy Dalit-owned land. Hoodwinking law, businessman Baijayant 'Jay' Panda used his Dalit driver as conduit to buy land from Dalits in Odisha and transfer to his company Odisha Infratech Pvt Ltd.  @AmitShah @TCGEHLOT @PiyushGoyal

— ଡ଼ଃ ସସ୍ମିତ ପାତ୍ର I Dr. Sasmit Patra (@sasmitpatra) November 4, 2020

ସସ୍ମିତ ପାତ୍ରଙ୍କ ପକ୍ଷରୁ ପିଏମଓ, କେନ୍ଦ୍ର ଗୃହ ମନ୍ତ୍ରୀ ଅମିତ ଶାହ ଓ ରେଳ ମନ୍ତ୍ରୀ ପୀୟୁଷ ଗୋଏଲଙ୍କୁ ଟ୍ୱିଟ୍ କରି ଓଟିଭି ମାଲିକ ଓ ମାଲିକାଣୀଙ୍କ କାରନାମା ସଂପର୍କରେ ଅବଗତ କରାଇଛନ୍ତି । ସସ୍ମିତ କହିଛନ୍ତି ଯେ, ଓଡ଼ିଶା ଲ୍ୟାଣ୍ଡ ରାଇଟ ଆକ୍ଟ ଅନୁସାରେ ରାଜ୍ୟରେ ଦଳିତଙ୍କ ଜମି କିଣାଯାଇ ପାରିବ ନାହିଁ । ସାରୁଅରେ ଆଇନ ଆଖିରେ ଧୂଳିଦେଇ ଜମି କିଣି ଜାଲିଆତି କରିଛନ୍ତି ବୈଜୟନ୍ତ । ଜମି କିଣିବା ପାଇଁ ଜୟ ତାଙ୍କ ଦଳିତ ଡ୍ରାଇଭରଙ୍କୁ ମୋହରା କରିଛନ୍ତି । ଯାହା ଦଳିତଙ୍କ ଉପରେ ଅତ୍ୟାଚାର ଆଇନ ଅନୁଯାୟୀ ଜଘନ୍ୟ ଅପରାଧ ବୋଲି ସେ କହିଛନ୍ତି । ଓଡ଼ିଶାରେ ବୈଜୟନ୍ତଙ୍କ ହରକତ ବିଷୟରେ କେନ୍ଦ୍ର ସରକାର ଜାଣିବା ଦରକାର ବୋଲି କହିଛନ୍ତି ସସ୍ମିତ ।

ଅପରପକ୍ଷରେ ଖୋର୍ଦ୍ଧା ସାରୁଅରେ ଠିକା କର୍ମଚାରୀଙ୍କୁ ବହିଷ୍କାର ପ୍ରତିବାଦରେ ଆନ୍ଦୋଳନ ବୁଧବାର ଚତୁର୍ଥ ଦିନରେ ପହଞ୍ଚିଛି । ୪ ଦିନ ଧରି ଖରାତରାରେ ଫାଟକ ସମ୍ମୁଖରେ ୫ ଦଫା ଦାବିରେ ପାଲ ଟାଣି ପଡ଼ି ରହିଛନ୍ତି ପୁରୁଷ ଓ ମହିଳା କର୍ମଚାରୀ । ନ୍ୟାୟ ଦାବିରେ ବସି ରହିଥିଲେ ବି କମ୍ପାନୀ କର୍ତ୍ତୃପକ୍ଷ ସେମାନଙ୍କୁ ଆଡ଼ ଆଖିରେ ଅନାଉନାହାନ୍ତି । ଆନ୍ଦୋଳନକାରୀଙ୍କ  ସହ ସ୍ୱର ମିଳାଇ ଧାରଣାରେ ସାମିଲ ହୋଇଛି ରାଷ୍ଟ୍ରୀୟ ଦଳିତ ମହାସଭା । ଠିକା ଶ୍ରମିକମାନଙ୍କ ସହ ଆଲୋଚନା କରିବା ସହ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ ଲୋଡିଛି । ଜମି ଏବଂ ସେମାନଙ୍କ ପ୍ରାପ୍ୟ ତୁରନ୍ତ ନମିଳିଲେ ରାଜରାସ୍ତାକୁ ଓହ୍ଲାଇବାକୁ ଚେତାବନୀ ଦେଇଛି ମହାସଭା । ଅନ୍ୟ ପକ୍ଷରେ ଶ୍ରମ ବିଭାଗ ପକ୍ଷରୁ ଶ୍ରମିକମାନଙ୍କ ୫ ଦଫା ଦାବି ଉପରେ ଓଟିଭି ପରିଚାଳନା ନିର୍ଦ୍ଦେଶକଙ୍କୁ ନୋଟିସ କରାଯାଇଛି । ସାତ ଦିନ ଭିତରେ ଏହି ଦାବି ର ସମାଧାନ ପାଇଁ ଶ୍ରମ ବିଭାଗ କମିଶନର ଓଟିଭିକୁ ନିର୍ଦ୍ଦେଶ ଦେଇଛନ୍ତି । ସେପଟେ ସମାଧାନ ଅପେକ୍ଷରେ ଶ୍ରମିକଙ୍କ ସମୟ ଗଡି ଚାଲିଛି ।