ଅଭିଜିତକୁ ଏସଟିଏଫ, ଏଟିଏସ ଆଇବିର ମିଳିତ ଜେରା

ଭୁବନେଶ୍ୱର : Otp ସେୟାରିଂ ସ୍କାମରେ ଆତଙ୍କି ମାମଲା । ଭୁବନେଶ୍ୱର ଏସଟିଏଫ କାର୍ଯ୍ୟାଳୟରେ ଏସଟିଏଫ, ୩ ଜଣିଆ ଏଟିଏସ ଟିମ ଓ ଦୁଇ ଜଣିଆ ଆଇବି ଟିମ ଅଭିଯୁକ୍ତ ସଞ୍ଜୟକୁ କରୁଛନ୍ତି ଜେରା । ଅଭିଯୁକ୍ତ ଅଭିଜିତ ସଞ୍ଜୟ ଜାମ୍ବୁରେକୁ ଆତଙ୍କବାଦୀ ଲିଙ୍କ ନେଇ ଚାଲିଛି ମିଳିତ ଜେରା । ପୂର୍ବରୁ ଗିରଫ ହୋଇଥିବା ପଠାଣି ସାମନ୍ତ ସିମରୁ ଭାରତର ସେନା, ବାୟୁସେନା ଓ ନୌସେନାର ମାନଚିତ୍ର ପାକିସ୍ତାନ ଗୁଇନ୍ଦା ଅଧିକାରୀ ଅବଦୁଲ ହମିଦ ପାଖକୁ ଯାଇଛି । ପଶ୍ଚିମବଙ୍ଗର ଗୁଡୁ କୁମାର ମୋବାଇଲରୁ ହମିଦ ପାଖକୁ ଯାଇଥିଲା ଏହି ମାନଚିତ୍ର । ପଠାଣି ସାମନ୍ତ, ଅବଦୁଲ ହମିଦକୁ ଦେଇଥିବା ସିମଟି ଗଂଜାମ ଜିଲ୍ଲାର ବୋଲି ଜଣାପଡିଛି ।

ସେହିପରି ମୁଖ୍ୟ ଅଭିଯୁକ୍ତ ଅଭିଜିତର କଲେଜ କିମ୍ବା ସ୍କୁଲ ସାଙ୍ଗ ଏଜେଣ୍ଟ ଅଛନ୍ତି ନା ନାହିଁ ସେନେଇ ଜେରା କରୁଛି ମିଳିତ ଟିମ୍ । ପାକିସ୍ତାନ isi ଏଜେଣ୍ଟ ମାନଙ୍କ ସହିତ କେମିତି ଥିଲା ଅଭିଜିତର ଲିଙ୍କ। କେମିତି ହେଉଥିଲା ଟଙ୍କା ଫଣ୍ଡିଂ। ଜାତୀୟ ସୁରକ୍ଷା ସମ୍ବନ୍ଧୀୟ କେଉଁ ସବୁ ତଥ୍ୟ ଲିକ କରିଛି । ଭାରତରେ କେତେଜଣ ଏଜେଣ୍ଟ ଅଛନ୍ତି । ଅଭିଜିତ ଭଳି ଆଉ କେତେ ଗ୍ରୁପ କାମ କରୁଛନ୍ତି ବୋଲି ପ୍ରଶ୍ନ ପଚାରିଛି ତଦନ୍ତକାରୀ ଟିମ୍ । ଡାନିସ ଓ ଖୁରାମଙ୍କ ସହିତ କେଉଁ ସବୁ ତଥ୍ୟ ଦେଇଛି ଅଭିଜିତ । ଏସବୁର ତଥ୍ୟ ଉଗାରୁଛି ଏଟିଏସ୍ । ଅଭିଜିତ, ପାକିସ୍ତାନ ଆର୍ମିର ସିନିଅର ଅଫିସର ଇଣ୍ଟେଲିଜେଣ୍ଟ ସହ ସମ୍ପର୍କରେ ଥିଲା । ଖୁରାମ ସହ ଅଭିଜିତର ସମ୍ପର୍କ ଥିଲା, ପୂର୍ବରୁ ଖୁରାମ ଭାରତ ଆସିଥିଲା । ଅଭିଜିତର ପାସୱାର୍ଡ ନେଇ ଡାନିସ ଆକାଉଣ୍ଟ ଚଲାଉଥିଲା । ପ୍ରତିବଦଳରେ ଅଭିଜିତ ଡାନିସ ଠାରୁ ଟଙ୍କା ଆଣି ଭାରତରେ isi ଏଜେଣ୍ଟକୁ ଟଙ୍କା ଦେଉଥିଲା ।