ଆଜିବି ବାଙ୍କୀରେ ୨୦ ଟଙ୍କାରେ ମିଳୁଛି ଏକ କିଲୋ ମାଛ
ବାଙ୍କୀ: ଆଜି ବି ବାଙ୍ଗୀରେ ୨୦ ଟଙ୍କାରେ ମିଳୁଛି କେଜିଏ ମାଛ। ବାଙ୍କୀ ବଜାର ନିକଟସ୍ଥ ତାରିଣୀ ଛକରେ କିଲୋ ପ୍ରତି ୨୦ ଟଙ୍କାରେ ବିକ୍ରି ହେଉଛି ଚୁନା ମାଛ । ଗତକାଲି ମଧ୍ଯ ଏଠାରେ ମାଛ କେଜିକୁ ୨୦ ଟଙ୍କା ରହିଥିବା ବେଳେ ଆଜି ବି ସମାନ ଦାମ ରହିଛି।
ମହାନଦୀ ଜଳସ୍ତର କମିଥିବାରୁ ସ୍ଥାନୀୟ ମତ୍ସ୍ଯଜୀବୀଙ୍କ ଜାଲରେ କ୍ଵିଣ୍ଟାଲ କ୍ଵିଣ୍ଟାଲ ମାଛ ପଡିଥିଲା । କ୍ଵିଣ୍ଟାଲ କ୍ଵିଣ୍ଟାଲ ମାଛ ଜାଲରେ ପଡ଼ିଥିବା ବେଳେ ,ମାଛ ନଷ୍ଟ ହୋଇଯିବା ଭୟରେ ୨୦ ଟଙ୍କାରେ ମାଛ ବିକ୍ରି କରିଦେଇଛନ୍ତି ମତ୍ସ୍ଯଜୀବୀ । ୨୦ ଟଙ୍କାରେ ମାଛ କିଣିବାକୁ ଲୋକଙ୍କ ପ୍ରବଳ ଭିଡ ଦେଖିବାକୁ ମିଳିଥିଲା । ଜଣେ ଜଣେ ଗ୍ରାହକ ୫ କିଲୋ ଲେଖାଏଁ ମାଛ କିଣିନେଉଥିବା ନେଇ କହିଛନ୍ତି ।
