କାନ୍ଥ ଭୁଶୁଡି ଜଣେ ମୃତ, ଦୁଇ ଗୁରୁତର

ସୁବର୍ଣ୍ଣପୁର: କାନ୍ଥ ପଡି ଜଣେ ମୃତ, ଦୁଇ ଗୁରୁତର । ସୁବର୍ଣ୍ଣପୁର ଜିଲ୍ଲା ଲଛିପୁର ଥାନା ସହରାପାଲି ଗାଁରେ ଶନିବାର ରାତିରେ ଘଟିଛି ଅଘଟଣ । ଘରର କାନ୍ଥ ପଡି ଆଇମା ସୁରୁବାଲି ଦୀପଙ୍କ ମୃତ୍ୟୁ ଘଟିଥିବା ବେଳେ ବୋହୂ ବବି ଦୀପ ଓ ଦୁଇ ବର୍ଷର ଶିଶୁକନ୍ୟା ଦେବୀ ଦୀପ ଗୁରୁତର ହୋଇଛନ୍ତି । ପରିବାର ଲୋକେ ଗୁରୁତରଙ୍କୁ ଉଦ୍ଧାର କରି ବଲାଙ୍ଗୀର ଭୀମଭୋଇ ମେଡିକାଲରେ ଭର୍ତ୍ତି କରିଛନ୍ତି । ଶିଶୁ କନ୍ୟାର ଅବସ୍ଥା ଗୁରୁତର ଥିବା ଜଣାପଡ଼ିଛି । ମୃତଦେହକୁ ବଲାଙ୍ଗୀର ଭୀମଭୋଇ ମେଡିକାଳ କଲେଜ ଡାକ୍ତର ଖାନାରେ ଭର୍ତ୍ତି କରାଯାଇଛି ।

ସୂଚନା ମୁତାବକ, ଶନିବାର ରାତିରେ ଆଇ ସହ ବୋହୂ ଓ ନାତୁଣୀ ଶୋଇଥିବା ବେଳେ ଘଟିଥିଲା ଅଘଟଣ । ବର୍ଷାରେ କାନ୍ଥ ଓଦା ହୋଇ ବିପଦସଙ୍କୁଳ ଅବସ୍ଥାରେ ରହିଥିଲା । ବିଳମ୍ବିତ ରାତିରେ କାନ୍ଥ ପଡିଯାଇଥିଲା। କାନ୍ଦ ବୋବାଳି ଶୁଣି ପଡ଼ିଶା ଲୋକେ ଆସି ଉଦ୍ଧାର କରିଥିଲେ। ଘଟଣା ସ୍ଥଳରେ ଲଛିପୁର ପୋଲିସ ପହଂଚି ତଦନ୍ତ ଆରମ୍ଭ କରିଛି ।