ଶିଶୁର ଅପରେସନ ପାଇଁ ମେଡାଲ ବିକିଲେ ପୋଲାଣ୍ଡର ପ୍ରସିଦ୍ଧ ଅଲମ୍ପିଆନ
ନୂଆଦିଲ୍ଲୀ: ନିଜ ଅଲମ୍ପିକ୍ସ ପଦକ ବିକ୍ରି କଲେ ପୋଲାଣ୍ଡର ମହିଳା ଜାଭେଲିନ୍ ଥ୍ରୋଅର୍ ମାରିଆ ଆଣ୍ଡ୍ରାଇଜ୍। ଯାହାପରେ ସେ ଏବେ ସମସ୍ତଙ୍କ ପାଇଁ ସୃଷ୍ଟି କରିଛନ୍ତି ଉଦାହରଣ। ଜଣେ ଆଠ ମାସର ଶିଶୁ ପାଇଁ ସେ ନିଲାମ କରିଛନ୍ତି ନିଜର ବଡ଼ ସଫଳତାର ସନ୍ତକ। ଟୋକିଓ ଅଲିମ୍ପିକ୍ସରେ ପାଇଥିବା ରୌପ୍ୟ ପଦକଙ୍କୁ ସେ ନିଲାମ କରି ଦେଇଛନ୍ତି ।
https://www.instagram.com/p/CSpLODRMFL4/?utm_source=ig_web_copy_link
ଟୋକିଓରେ ଖେଳାଯାଇଥିବା ଅଲମ୍ପିକ୍ସରେ ମାରିଆ ଏହି ପଦକ ଜିତିଥିଲେ । ସେ ପଦକ ନିଲାମରୁ ୨ ଦଶମିକ ୫ ମିଲିୟନରୁ ଅଧିକ ଟଙ୍କା ଆୟ କରିଛନ୍ତି । ଗୋଟିଏ ଶିଶୁର ଅସ୍ତ୍ରୋପଚାର ପାଇଁ ସେ ଏହି ଅର୍ଥ ଦାନ କରିଛନ୍ତି । ଟୋକିଓ ଅଲମ୍ପିକ୍ସରେ ରୌପ୍ୟ ପଦକ ଜିତିବା ପରେ ୨୫ବର୍ଷିୟା ମାରିଆ ସାହାଯ୍ୟ କରିବାକୁ ଚାହୁଁଥିଲେ।
ତାଙ୍କ ଫେସବୁକ୍ ପୃଷ୍ଠାରେ ଏହା ଲେଖିଥିଲେ । ସେ ଯାହା ପାଇଁ ପାଣ୍ଠି ସଂଗ୍ରହ କରିବାକୁ ଚାହୁଁଥିଲେ, ସେ ଏବେ ଆମେରିକାର ଷ୍ଟାନଫୋର୍ଡ ହସ୍ପିଟାଲରେ ହାର୍ଟ ସର୍ଜରୀ ପାଇଁ ଭର୍ତ୍ତି ହୋଇଛନ୍ତି । ପୋଲାଣ୍ଡର ଷ୍ଟୋର ଜବକା ଏହି ପଦକ ପାଇଁ ଟେଣ୍ଡର କରିଛନ୍ତି । ଅର୍ଥ ପ୍ରଦାନ ପରେ ସେ ପଦକ ନେଇଛନ୍ତି।
