ମତ୍ସ୍ୟଜୀବୀଙ୍କ ଜାଲରେ ପଡ଼ିଲା ତେଲିଆ ମାଛ, ୧୮ ଲକ୍ଷରେ କିଣିଲେ କୋଲକାତାର ବ୍ୟବସାୟୀ

ପାରାଦ୍ୱୀପ: ମାଛ ଦାମ୍ ୧୮ ଲକ୍ଷ । ପାରାଦ୍ୱୀପ ମତ୍ସ୍ୟଜୀବୀଙ୍କ ଜାଲରେ ପଡ଼ିଲା ବିରଳ ତେଲିଆ ବୋରେହି ମାଛ । ପାରାଦୀପ-ଅଠରବାଙ୍କି ବାଲିପ୍ଲଟରେ ଜାଲରେ ପଡ଼ିଥିବା ବିରଳ ମାଛକୁ ୧୮ ଲକ୍ଷ ଟଙ୍କାରେ ବିକ୍ରି କରିଛନ୍ତି ମତ୍ସ୍ୟଜୀବୀ । ମତ୍ସ୍ୟଜୀବୀଙ୍କ ଜାଲରେ ୪ଟି ତେଲିଆ ମାଛ ପଡ଼ିଥିଲା । ଗୋଟିଏ ମାଛର ଓଜନ ୩୦ କିଲୋଗ୍ରାମ ହୋଇଥିବା ବେଳେ ଅନ୍ୟ ତିନିଟି ୧୪, ୧୭ ଓ ୧୯ କିଲୋଗ୍ରାମ ଓଜନର ଥିଲା । କିଲୋଗ୍ରାମ ପ୍ରତି ୬୧ ହଜାର ଟଙ୍କା ହିସାବରେ ମାଛକୁ ୧୮ ଲକ୍ଷ ୩୦ ହଜାର ଟଙ୍କାରେ କିଣି ନେଇଛନ୍ତି କୋଲକାତାର ଜଣେ ବ୍ୟବସାୟୀ ।