ବାଂଲାଦେଶୀ ଅନୁପ୍ରବେଶ ରୋକିବାକୁ ସମ୍ବଲପୁରରେ ଖୋଲିଲା ରାଜ୍ୟର ପ୍ରଥମ କଣ୍ଟ୍ରୋଲ ରୁମ୍

ସମ୍ବଲପୁର: ବାଂଲାଦେଶୀ ଅନୁପ୍ରବେଶ ରୋକିବାକୁ କଡ଼ା ପଦକ୍ଷେପ । ବାଂଲାଦେଶୀଙ୍କୁ ଜଗିବାକୁ ସମ୍ବଲପୁରରେ ଖୋଲିଲା ରାଜ୍ଯର ପ୍ରଥମ କଣ୍ଟ୍ରୋଲ ରୁମ୍ । ୨୪ ଘଣ୍ଟିଆ କଣ୍ଟ୍ରୋଲ ରୁମ୍ ସହ ସହରର ପ୍ରତି ଛକରେ ଲାଗିଛି ସିସିଟିଭି କ୍ୟାମେରା । କୌଣସି ସନ୍ଦିଗ୍ଧ ବ୍ୟକ୍ତି ନଜରକୁ ଆସିଲେ ସହରବାସୀ ଖବର ଦେବା ପାଇଁ ସ୍ଵତନ୍ତ୍ର ମୋବାଇଲ ନମ୍ବର ଜାରି କରିଛି ପୋଲିସ୍ ।

ଜିଲ୍ଲା ପୋଲିସ ମୁଖ୍ୟାଳୟରେ ଏହି ୨୪ ଘଣ୍ଟିଆ କଣ୍ଟ୍ରୋଲ ରୁମ କାମ କରିବ । ସିପ୍ଟ ଅନୁସାରେ ୩ ଜଣ ଇନ୍ସପେକ୍ଟରଙ୍କୁ ନିୟୋଜିତ କରାଯାଇଛି । ଏହାସହ ସହରର ପ୍ରତି ଛକରେ ଲାଗିଛି ସିସିଟିଭି କ୍ୟାମେରା । କ୍ଯାମେରାରେ ସନ୍ଦିଗ୍ଧ ନଜରକୁ ଆସିଲେ ତୁରନ୍ତ କାର୍ଯ୍ଯାନୁଷ୍ଠାନ ନେବ ପୋଲିସ୍ । କଣ୍ଟ୍ରୋଲ ରୁମ୍କୁ ସୂଚନା ଆସିବା ମାତ୍ରେ ସେହି ଅଞ୍ଚଳର ଏସଡିପିଓଙ୍କୁ ତୁରନ୍ତ ସୂଚନା ଦିଆଯିବ

ସହରରେ କୌଣସି ସନ୍ଦିଗ୍ଧ ନଜରକୁ ଆସିଲେ ତୁରନ୍ତ ପୋଲିସକୁ ଖବର ଦେବାକୁ ଜନସାଧାରଣଙ୍କୁ ଅପିଲ୍ କରାଯାଇଛି । ଏଥିପାଇଁ 8763574292 ହ୍ବାଟ୍ସଆପ ନମ୍ବର ଜାରି କରାଯାଇଛି । ସନ୍ଦିଗ୍ଧ ଧରାପଡିବା ପରେ ଅଭିଯୋଗ ହୋଇଥିବା ବ୍ୟକ୍ତି ପ୍ରକୃତରେ ବାଂଲାଦେଶୀ କି ନୁହେଁ, ତାହା ଯାଞ୍ଚ କରାଯାଇ କାର୍ଯ୍ଯାନୁଷ୍ଠାନ ନିଆଯିବ । ଜିଲ୍ଲା ପୋଲିସର ଏହି ପଦକ୍ଷେପକୁ ସାଧାରଣରେ ପ୍ରଶଂସା କରାଯାଇଛି । ଏହାଦ୍ବାରା ବାହାରୁ ଆସୁଥିବା ଲୋକେ ସତର୍କ ହେବା ସହ ବାଂଲାଦେଶୀ ଅନୁପ୍ରବେଶ ରୋକାଯାଇ ପାରିବ ବୋଲି କହିଛନ୍ତି ସ୍ଥାନୀୟ ଲୋକେ ।