କାର୍ତ୍ତିକ ମାସ ଆରମ୍ଭ ନ ହେଉଣୁ ଆରମ୍ଭ ହୋଇଛି ଶୀତ: ସୋନପୁରର ତାପମାତ୍ରା ସର୍ବନିମ୍ନ ୧୩.୪ ଡିଗ୍ରୀ

ଭୁବନେଶ୍ୱର: ମୌସୁମୀ ଯାଇଛି ଆସିଛି ଶୀତ । କାର୍ତ୍ତିକ ମାସ ଆରମ୍ଭ ନ ହେଉଣୁ ରାଜ୍ୟରେ ଶୀତ ଲହରୀ ଅନୁଭୂତ ହୋଇଛି । ରାଜ୍ୟର ବିଭିନ୍ନ ସ୍ଥାନରେ ଥଣ୍ଡା ଅନୁଭୂତ ହେଉଛି । ସକାଳୁ ସକାଳୁ ଥଣ୍ଡା ପବନ ବହୁଥିବା ବେଳେ ସନ୍ଧ୍ୟା ଏବଂ ରାତିରେ ଥଣ୍ଡା ଅନୁଭୂତ ହେଉଛି । ରାଜ୍ୟର ପ୍ରାୟ ୧୮ ଟି ସହରର ତାପମାତ୍ରା ୨୦ ଡିଗ୍ରୀ ତଳେ ରହିଛି । ସବୁଠୁ ଥଣ୍ଡା ସହର ପାଲଟିଛି ସୋନପୁର । ସେଠାରେ ସର୍ବନିମ୍ନ ତାପମାତ୍ରା ୧୩.୪ ଡିଗ୍ରୀ ରହିଛି । ଅନୁଗୁଳରେ ବି ଥଣ୍ଡା ଅନୁଭୂତ ହେଉଛି । ଅନୁଗୁଳରେ ୧୩.୬ ଓ ଫୁଲବାଣୀରେ ୧୪.୫ ଡିଗ୍ରୀ ରହିଛି ତାପମାତ୍ରା । ଦାରିଙ୍ଗବାଡ଼ି ଓ ଭବାନୀପାଟଣାରେ ତାପମାତ୍ରା ୧୫ ଡିଗ୍ରୀ ରହିଛି । ଟ୍ବିନ୍‌ ସିଟିରେ ବି ଥଣ୍ଡାର ପ୍ରଭାବ ଅନୁଭୁତ ହେଉଛି । କଟକରେ ୧୯ ଡିଗ୍ରୀ ଓ ଭୁବନେଶ୍ୱରରେ ସର୍ବନିମ୍ନ ତାପମାତ୍ରା ୧୯.୫ ଡିଗ୍ରୀ ରହିଛି ।

ଓଡିଶାରୁ ସମ୍ପୂର୍ଣ୍ଣ ବିଦାୟ ନେଇଛି ମୌସୁମୀ, ସୁଲୁସୁଲିଆ ପବନ ସହ ଧିରେ ଧିରେ ପ୍ରବେଶ କରୁଛି ଶୀତ