ପ୍ରଖ୍ୟାତ କଥାକାର ରାମଚନ୍ଦ୍ର ବେହେରାଙ୍କୁ ଅତିବଡ଼ୀ ଜଗନ୍ନାଥ ଦାସ ପୁରସ୍କାର

ଭୁବନେଶ୍ୱର: ୨୦୨୦ ମସିହା ନିମନ୍ତେ ମର୍ଯ୍ୟାଦାବନ୍ତ ସର୍ବୋଚ୍ଚ ସାରସ୍ୱତ ସମ୍ମାନ ଅତିବଡୀ ଜଗନ୍ନାଥ ଦାସ ପୁରସ୍କାର ଓଡ଼ିଶା ସାହିତ୍ୟ ଏକାଡେମୀ ପକ୍ଷରୁ ଘୋଷଣା କରାଯାଇଛି । ସର୍ବୋଚ୍ଚ ସାରସ୍ୱତ ସମ୍ମାନ ଅତିବଡ଼ୀ ଜଗନ୍ନାଥ ଦାସ ପୁରସ୍କାର ପ୍ରଖ୍ୟାତ କଥାକାର ରାମଚନ୍ଦ୍ର ବେହେରାଙ୍କୁ ଦିଆଯିବ । ୨୦୨୦ ମସିହା ପାଇଁ ୧୫ ଜଣ ବୟୋଜ୍ୟେଷ୍ଠ ସାରସ୍ୱତ ସାଧକ-ସାଧିକାଙ୍କୁ ସମ୍ବର୍ଦ୍ଧନା ଦିଆଯିବା ନେଇ ନିଷ୍ପତ୍ତି ହୋଇଛି ।

ଏକାଡେମୀ ପକ୍ଷରୁ ଆୟୋଜିତ ଏକ ସ୍ୱତନ୍ତ୍ର ଉତ୍ସବରେ ଏହି ପୁରସ୍କାର ଓ ସମ୍ବର୍ଦ୍ଧନା ପ୍ରଦାନ କରାଯିବ । ଓଡ଼ିଶା ସାହିତ୍ୟ ଏକାଡେମୀର  ସଭାପତି ହରିହର ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକାରୀ ପରିଷଦ ବୈଠକରେ ଏନେଇ ନିଷ୍ପତ୍ତି ନିଆଯାଇଛି ।

୨୦୨୦ ମସିହା ପାଇଁ ୧୫ ଜଣ ବୟୋଜ୍ୟେଷ୍ଠ ସାରସ୍ୱତ ସାଧକ-ସାଧିକାଙ୍କୁ ସମ୍ବର୍ଦ୍ଧନା ଦିଆଯିବ ।

ଦେବେନ୍ଦ୍ର କୁମାର ଦାଶ
ଗିରିଜା ଶଙ୍କର ଶର୍ମା
ଅଶୋକ କୁମାର ପଟ୍ଟନାୟକ
ବାବାଜୀ ଚରଣ ପଟ୍ଟନାୟକ
ବାଇଧର ସାହୁ
ଜୀବନକୃଷ୍ଣ ମହାପାତ୍ର
ଦିଗରାଜ ବ୍ରହ୍ମା
ରୁଦ୍ର ନାରାୟଣ ପୃଷ୍ଟି
ସୌଭାଗିନୀ ମିଶ୍ର
ସ୍ୱରାଜ୍ୟଲକ୍ଷ୍ମୀ ମିଶ୍ର
କୃପାସିନ୍ଧୁ ନାୟକ
ନିର୍ମଳପ୍ରଭା ନାୟକ
ରାସେଶ୍ୱରୀ ମିଶ୍ର
ରାଧାବିନୋଦ ନାୟକ
ମହେଶ୍ୱର ମୂଳିଆ