ସ୍ୱାସ୍ଥ୍ୟ ଓ ସ୍ୱଚ୍ଛତାରେ ଓଡ଼ିଶା ନମ୍ବର ୱାନ୍
ଭୁବନେଶ୍ୱର: ଦେଶରେ ଓଡ଼ିଶା ଏକ ନମ୍ବର । ସ୍ୱାସ୍ଥ୍ୟ ଓ ସ୍ୱଚ୍ଛତା କ୍ଷେତ୍ରରେ ଦେଶର ଅନ୍ୟ ରାଜ୍ୟ ଅପେକ୍ଷା ଓଡ଼ିଶାର ସ୍ଥିତି ଭଲ । ମହାରାଷ୍ଟ୍ର ଓ ଗୁଜରାଟ ଭଳି ବିକଶିତ ରାଜ୍ୟଠାରୁ ଓଡ଼ିଶାରେ ସ୍ୱାସ୍ଥ୍ୟ ସେବା ଓ ସ୍ୱଚ୍ଛତା ବହୁତ ଭଲ୍ । ଦେଶରେ ଓଡ଼ିଶା ଦ୍ରୁତଗାମୀ ଉନ୍ନତ ରାଜ୍ୟ ପାଲଟିଛି । ସ୍ୱାସ୍ଥ୍ୟ କ୍ଷେତ୍ରରେ ଓଡ଼ିଶାର ସ୍କୋର ୧୧୦.୦୮ ରହିଛି । ମିଳିଥିବା ସୂଚନା ଅନୁଯାୟୀ ମୋଟ ସ୍କୋର ୧୬୦ରୁ ୧୧୦.୦୮ ପଏଣ୍ଟ ପାଇଛି ଓଡ଼ିଶା । ସ୍ୱଚ୍ଛତାରେ ମୋଟ ୭୦ ପଏଣ୍ଟରୁ ଓଡ଼ିଶାକୁ ମିଳିଛି ୬୦.୦୪ପଏଣ୍ଟ ।
ସ୍ୱାସ୍ଥ୍ୟ କ୍ଷେତ୍ରରେ ଓଡ଼ିଶା ପ୍ରଥମ ସ୍ଥାନରେ ରହିଥିବା ବେଳେ ଝାଡ଼ଖଣ୍ଡ ଦ୍ୱିତୀୟ ଓ ମହାରାଷ୍ଟ୍ର ତୃତୀୟ ସ୍ଥାନରେ ଅଛନ୍ତି । ଗୁଜରାଟ ଚତୁର୍ଥ ସ୍ଥାନରେ ଓ ଆସାମର ସ୍ଥାନ ପଞ୍ଚମରେ ରହିଛି । ସେହିଭଳି ସ୍ୱଚ୍ଛତାରେ ଓଡ଼ିଶା ପଛକୁ ଝାଡ଼ଖଣ୍ଡ ଓ ଛତିଶଗଡ଼ ରହିଛନ୍ତି । ଜାତୀୟ ଗଣମାଧ୍ୟମ ସଂସ୍ଥା ଇଣ୍ଡିଆ ଟୁଡେ ପକ୍ଷରୁ କରାଯାଇଥିବ ସର୍ଭେରେ ଓଡ଼ିଶା ଏକ ନମ୍ବର ସ୍ଥାନ ଅଧିକାର କରିଛି ।
