ଓଡ଼ିଶାକୁ ଶ୍ରେଷ୍ଠ ଇକୋ ଡେଷ୍ଟିନେସନ ମାନ୍ୟତା

ଭୁବନେଶ୍ବର: ପର୍ଯ୍ୟଟକଙ୍କୁ ଆକୃଷ୍ଟ କରୁଛି ଓଡ଼ିଶାର ପର୍ଯ୍ୟଟନ ସ୍ଥଳ । ସାରା ଦେଶରେ ଓଡ଼ିଶାକୁ ମିଳିଛି ଶ୍ରେଷ୍ଠ ଇକୋ ଡେଷ୍ଟିନେସନର ମାନ୍ୟତା । ଭ୍ରମଣ ଅବକାଶ ଭାରତ- ଦକ୍ଷିଣ ଏସିଆ ଅନ୍ତର୍ଜାତୀୟ ମାଗାଜିନର ୧୧ ତମ ସଂସ୍କରଣରେ ପାଠକଙ୍କ ପସନ୍ଦକୁ ଭିତ୍ତି କରି ପ୍ରସ୍ତୁତ ହୋଇଛି ଏହି ତାଲିକା ।

ଜାତୀୟସ୍ତରରେ ଓଡ଼ିଶାକୁ ଅଧିକାଂଶ ବ୍ଲଗର ଓ ପର୍ଯ୍ୟଟନ ପତ୍ରିକା ପଢୁଥିବା ପାଠକମାନେ ଇକୋ-ଡେଷ୍ଟିନେସନ ଭାବେ ବାଛିଛନ୍ତି । ପତ୍ରିକାରେ ଚିଲିକା ହ୍ରଦ, ଭିତରକନିକା, ନନ୍ଦନକାନନ ଚିଡ଼ିଆଖାନାକୁ ସ୍ଥାନିତ କରାଯାଇଥିବା ବେଳେ, ରାଜ୍ୟ ସରକାର ଆରମ୍ଭ କରିଥିବା ଇକୋ-ରିଟ୍ରିଟ ସମ୍ପର୍କରେ ଉଲ୍ଲେଖ ରହିଛି । ୧୩ଟି ନୂଆ ଇକୋ-ଡେଷ୍ଟିନେସନ ଭାବରେ ଉଲ୍ଲେଖ ରହିଛି । ଯେଉଁଥିରେ ଦେଉମାଳି, କୋଟିଆ, କଳାହାଣ୍ଡିର ଜାକମ, ଶିମିଳିପାଳର ନଓ୍ବାନ, କଳିଙ୍ଗ ଘାଟି, ଅସ୍ତରଙ୍ଗ ବେଳାଭୂମୀ, ରାଇରଙ୍ଗପୁରର ଖଡ଼ାଖାଇ ଡ୍ୟାମ, ମହେନ୍ଦ୍ରଗିରି, କାଞ୍ଜିପାଣି ଘାଟି, ରାଣୀ ଡୁଡୁମା, କଟକର ଧଲତନଗର ଓ ନୟାଗଡ଼ର ଭଣ୍ଡାର ପାହାଡ଼ ବିଷୟରେ ଉଲ୍ଲେଖ କରାଯାଇଛି ।

ରାଜ୍ୟ ବାହାରୁ ଆସୁଥିବା ପର୍ଯ୍ୟଟକଙ୍କ ମଧ୍ୟରେ ଇକୋ-ରିଟ୍ରିଟ୍ ପ୍ରତି ଅଧିକ ଚାହିଦା ରହିଛି । ଯେଉଁଥିପାଇଁ ସରକାର ସାନି ୭ଟି ଇକୋ ରିଟ୍ରିଟ ବ୍ୟବସ୍ଥା କରିଛନ୍ତି । ପାଖାପାଖି ୫୦ରୁ ଅଧିକ ଇକୋ-ଡେଷ୍ଟିନେସନ ପର୍ଯ୍ୟଟଙ୍କ ଅପେକ୍ଷାରେ ରହିଛି ।