spot_img

Latest Posts

ବନ୍ୟା ନିୟନ୍ତ୍ରଣ ପାଇଁ ୨,୭୮୧ କୋଟିର ମାଷ୍ଟରପ୍ଲାନ୍ ! ୮ ନଦୀ ସିଷ୍ଟମ୍ ଉପରେ ସରକାରଙ୍କ ଫୋକସ୍

ନନ୍ଦିଘୋଷ ବ୍ୟୁରୋ : ବନ୍ୟାର ନିୟନ୍ତ୍ରଣ ପାଇଁ ସରକାର କରିବେ ବିସ୍ତୃତ ଯୋଜନା । ଆଇଆଇଟି-ରୁର୍କି ଯୋଗାଇବ ବୈଷୟିକ ସହାୟତା । ୮ଟି ନଦୀ ସିଷ୍ଟମ ଉପରେ ପ୍ରାଥମିକ ନଜର । ରାଜ୍ୟର ବିଭିନ୍ନ ଜଳ ବିଶେଷଜ୍ଞମାନଙ୍କ ପରାମର୍ଶ ମଧ୍ୟ ନିଆଯିବ । ଗଞ୍ଜାମ ଜିଲ୍ଲା ଋଷିକୂଲ୍ୟା ନଦୀର ଅଚାନକ ବନ୍ୟା ପରେ ସରକାରଙ୍କ ନିଦ ଭାଙ୍ଗିଛି । ୨ ହଜାର ୭୮୧ କୋଟି ଟଙ୍କାର ଏକ ୫ ବର୍ଷିଆ ଯୋଜନା ବାବଦରେ କହିଛନ୍ତି ରାଜସ୍ବ ମନ୍ତ୍ରୀ । ନଦୀ ଭିତ୍ତିଭୂମି ବୃଦ୍ଧି ବାବଦରେ ଜଳସମ୍ପଦ ବିଭାଗ ସହ ରାଜସ୍ବ ବିପିର୍ଯ୍ୟୟ ପରିଚାଳନା ବିଭାଗ ୮ଟି ନଦୀ ସିଷ୍ଟମ ବାବଦରେ ଅଲଗା ଅଲଗା ଆଲୋଚନା ହେବ । କେବଳ ବନ୍ୟା ନୁହଁ, ବାତ୍ୟା ଓ ଭୂସ୍ଖଳନର ପ୍ରଭାବ କିପରି କମାଯାଇପାରିବ, ସେ ନେଇ ମଧ୍ୟ ବିଭିନ୍ନ ଜିଲ୍ଲା ପ୍ରଶାସନ ସହ ଆଲୋଚନା ହେବ । ଆଗାମୀ ଦିନରେ ବନ୍ୟାର ମୁକାବିଲା ଅଧିକ ଦକ୍ଷତାର ସହ କରାଯାଇପାରିବ । ୧୧ଟି ନଦୀ ସିଷ୍ଟମ୍ ମଧ୍ୟରୁ ମହାନଦୀ ଓ ରେଙ୍ଗାଲି ସିଷ୍ଟମ୍ ସଠିକ୍ ଭାବେ କାର୍ଯ୍ୟ କରୁଛି । ଅନ୍ୟ ୮ଟି ନଦୀ ସିଷ୍ଟମ୍‌ର ବିକାଶ ପାଇଁ ଦୀର୍ଘମିଆଦୀ ରୋଡ୍‌ମ୍ୟାପ୍ ପ୍ରସ୍ତୁତ ହେବ ।

ଯାଜପୁରରୁ ଗଞ୍ଜାମ ବନ୍ୟା ପରିଚାଳନାରେ ସରକାର ବିଫଳ ହେବା ପରେ ବନ୍ୟା, ବାତ୍ୟା, ଓ ଭୂସ୍ଖଳନର ପ୍ରଭାବ କମାଇବାକୁ ସରକାର ଚିନ୍ତା କରିବା ଏବଂ ଏଥିପାଇଁ ଦୀର୍ଘମିଆଦୀ ଯୋଜନା କରିବାକୁ ବିଜେଡ଼ି ସ୍ବାଗତ କରିଛି । ହେଲେ ଏହାର କାର୍ଯ୍ୟକାରିତାକୁ ନେଇ ପ୍ରଶ୍ନ ଉଠାଇଛି । ଗଞ୍ଜାମ ବନ୍ୟା ମନୁଷ୍ୟକୃତ ବୋଲି ସ୍ପଷ୍ଟ ହେବା ପରେ ସରକାର ଏବେ ସ୍ଥାୟୀ ପ୍ରତିକାର ବାଟ ଖୋଜୁଛନ୍ତି । ଏହା ଭଲ କଥା, ହେଲେ ସରକାରଙ୍କ ପ୍ରତିଶ୍ରୁତିକୁ ନେଇ ରାଜ୍ୟବାସୀଙ୍କ ସନ୍ଦେହ ରହିଛି ବୋଲି ବରିଷ୍ଠ ବିଜେଡି ବିଧାୟକ ପ୍ରସନ୍ନ ଆଚାର୍ଯ୍ୟ କହିଛନ୍ତି । ଆଗରୁ ଏମିତି ଅନେକ ଘୋଷଣା ହୋଇଛି, ହେଲେ ବାସ୍ତବରେ କାମ ଶୂନ୍ । କଂଗ୍ରେସ ମଧ୍ୟ ସରକାରଙ୍କ ଆଭିମୁଖ୍ୟ ଉପରେ ପ୍ରଶ୍ନ ଉଠାଇଛି । ବନ୍ୟା ନିୟନ୍ତ୍ରଣରେ ବିଫଳ ହେବା ପରେ ସରକାର ଲୋକଙ୍କ ଦୃଷ୍ଟି ଏଡାଇବାକୁ ଏପରି କହୁଛନ୍ତି । ଅଢେଇ ବର୍ଷ ହେଲା ସରକାରଙ୍କୁ କିଏ ମନା କରିଥିଲା ବନ୍ୟାର ସ୍ଥାୟୀ ନିୟନ୍ତ୍ରଣ କଥା ଚିନ୍ତା କରିବାକୁ । କେବଳ ମିଛ ବାହାବା ନେବାକୁ ସରକାର ଏପରି ଉଦ୍ୟମ କରୁଛନ୍ତି ବୋଲି ବିଧାନସଭାରେ କହିଛନ୍ତି କଂଗ୍ରେସ ବିଧାୟକ ଦଳ ନେତା ।

Latest Posts

Don't Miss