ଶାନ୍ତି ଶୃଙ୍ଖଳାରେ ସରିଲା ମାଟ୍ରିକ ପରୀକ୍ଷା

ନନ୍ଦିଘୋଷ ବ୍ୟୁରୋ: ଶାନ୍ତି ଶୃଙ୍ଖଳାରେ ସରିଲା ମାଟ୍ରିକ ପରୀକ୍ଷା । ରାଜ୍ୟରେ ମାଧ୍ୟମିକ ଶିକ୍ଷା ପରିଷଦ ଆନୁକୂଲ୍ୟରେ ଗତ ୧୦ ତାରିଖରୁ ଚାଲିଥିବା ମାଟ୍ରିକ ସମେଟିଭ୍-୨ ପରୀକ୍ଷା ଶେଷ ହୋଇଛି । ଏଥର ରାଜ୍ୟର ୩୨୧୮ ପରୀକ୍ଷା କେନ୍ଦ୍ରରେ ମୋଟ ୫ ଲକ୍ଷ ୩୦ ହଜାରରୁ ଅଧିକ ପରୀକ୍ଷାର୍ଥୀ ପରୀକ୍ଷା ଦେଇଛନ୍ତି। ଶେଷ ଦିନରେ ଆଜି ଗଣିତ ପରୀକ୍ଷା ପାଇଁ ପରୀକ୍ଷାର୍ଥୀଙ୍କୁ ଅତିରିକ୍ତ ୧୫ ମିନିଟ୍ ଦିଆଯାଇଥିଲା ।

ପରୀକ୍ଷା ପରେ ବେଶ ଖୁସିରେ ପିଲାମାନେ ହଲରୁ ବାହାରିଥିଲେ। ଏପ୍ରିଲ ୩ ତାରିଖରୁ ରାଜ୍ୟର ୫୬ ଟି ମୂଲ୍ୟାୟନ କେନ୍ଦ୍ରରେ ଖାତା ଦେଖା ହେବ। ୧୨ ଦିନ ଧରି ଖାତା ମୂଲ୍ୟାୟନ ଚାଲିବ। ପରେ ୪୫ ଦିନ ମଧ୍ୟରେ କିମ୍ବା ପରେ ପରୀକ୍ଷା ଫଳ ପ୍ରକାଶ ପାଇବ। ପ୍ରଶ୍ନ ପତ୍ର ସେଟ୍ ଅଦଳବଦଳ ଓ ତ୍ରୁଟି ଏକ ଯାନ୍ତ୍ରିକ ତୃଟି । ଏଥି ପାଇଁ ବିକଳ୍ପ ବ୍ୟବସ୍ଥା ବୋର୍ଡ ପକ୍ଷରୁ କରାଯାଇଥିବାରୁ ଛାତ୍ରଛାତ୍ରୀଙ୍କର କିଛି ବି ସମସ୍ୟା ହେବନି ।