ରାଜ୍ୟ ବାହାରୁ ଆସୁଥିଲେ ବି ଦରକାର ନାହିଁ ସଂଘରୋଧରେ ରହିବା, କରିବାକୁ ପଡ଼ିବ ଏମିତି…
1 min read
ଭୁବନେଶ୍ୱର: ସଂଘରୋଧ ନିୟମରେ ପରିବର୍ତ୍ତନ ଆଣିଲେ ରାଜ୍ୟ ସରକାର । ଏଣିକି ବାହାରୁ ଫେରୁଥିବା ପ୍ରବାସୀ ୨୧ ଦିନ ବଦଳରେ ୧୪ ଦିନିଆ କ୍ୱାରେଣ୍ଟାଇନରେ ରହିବେ । ଗ୍ରାମାଞ୍ଚଳକୁ ଫେରୁଥିବା ପ୍ରବାସୀ ଅତି କମରେ ପଞ୍ଚାୟତରେ ୭ ଦିନ ପାଇଁ କ୍ୱାରେଣ୍ଟାଇନରେ ରହିବାକୁ ବାଧ୍ୟ । ଲକ୍ଷଣ ନଥିଲେ ଘରେ ଆଉ ୭ ଦିନ ପାଇଁ କ୍ୱାରେଣ୍ଟାଇନରେ ରହିବାକୁ ଅନୁମତି ଦିଆଯିବ । ଯଦି, ଘରେ କ୍ୱାରେଣ୍ଟାଇନ୍ ବ୍ୟବସ୍ଥା ନଥିବ ତେବେ ତାଙ୍କୁ ସେଇଠି ହିଁ ୧୪ ଦିନ ରଖାଯିବ । ଏନେଇ ପଞ୍ଚାୟତ ସ୍ତରରେ ଅଧିକାରୀ ନିଷ୍ପତ୍ତି ନେବେ ।
ସେହିଭଳି ସହରାଞ୍ଚଳକୁ ଫେରୁଥିବା ବ୍ୟକ୍ତି ମଧ୍ୟ କ୍ୱାରେଣ୍ଟାଇନରେ ରହିବେ । ସେମାନେ ୧୪ ଦିନିଆ କ୍ୱାରେଣ୍ଟାଇନରେ ରହିବାକୁ ବାଧ୍ୟ । ସେମାନଙ୍କୁ ହୋମ୍ କ୍ୱାରେଣ୍ଟାଇନରେ ରହିବାକୁ ସ୍ଥାନୀୟ ଅଧିକାରୀ କହିବେ । ତା ଛଡ଼ା ପେଡ୍ କ୍ୱାରେଣ୍ଟାଇନରେ ରହିପାରିବେ । ହୋଟେଲରେ ରହିବା ପାଇଁ ପେଡ୍ କ୍ୱାରେଣ୍ଟାଇନ୍ ଖର୍ଚ୍ଚ ବ୍ୟକ୍ତି ଜଣଙ୍କ ବହନ କରିବେ । ତା’ଛଡ଼ା ଗୋଷ୍ଠୀ ସଂଘରୋଧରେ ମଧ୍ୟ ରହିବାର ବ୍ୟବସ୍ଥା ରହିଛି ।
କିଛି ସରକାରୀ କର୍ମଚାରୀ, ବ୍ୟବସାୟୀ ଓ ବୃତ୍ତିଗତ ଲୋକ ବାହାର ରାଜ୍ୟରୁ ୩ ଦିନ ପାଇଁ ଓଡ଼ିଶା ଆସୁଥିଲେ କ୍ୱାରେଣ୍ଟାଇନରେ ରହିବାର ଆବଶ୍ୟକତା ନାହିଁ । ୭୨ ଘଣ୍ଟାରୁ ଅଧିକ ସମୟ ରହିଲେ କ୍ୱାରେଣ୍ଟାଇନରେ ରହିବାକୁ ପଡ଼ିବ । ସେହିଭଳି ରାଜ୍ୟ ବାହାରକୁ ଯାଉଥିବା ଓଡ଼ିଆ ୩ ଦିନ ମଧ୍ୟରେ ଫେରିଲେ କ୍ୱାରେଣ୍ଟାଇନରେ ରହିବା ଦରକାର ନାହିଁ । ସେହିଭଳି ଅନ୍ୟ ରାଜ୍ୟରେ କ୍ୱାରେଣ୍ଟାଇନରେ ଥିବା ବ୍ୟକ୍ତି ଓଡ଼ିଶା ଫେରିବା ପରେ ପ୍ରମାଣପତ୍ର ଦେଖାଇଲେ ସଂଘରୋଧରେ ରହିବା ଆବଶ୍ୟକ ନାହିଁ ।
ସ୍ଥିତି ବିଗାଡ଼ିବେ କି ପଞ୍ଜିକରଣ କରିନଥିବା ପ୍ରବାସୀ ? ଆଶଙ୍କା ବ୍ୟକ୍ତ କଲେ SRC
