୨୩ ଜିଲ୍ଲାରେ ସଂକ୍ରମଣ ତଳମୁହାଁ, ୧୭ ପରେ ଅନଲକ୍ ପ୍ରକ୍ରିୟା

1 min read

ଭୁବନେଶ୍ୱର: ଖୋର୍ଦ୍ଧା, କଟକ, ବାଲେଶ୍ୱା, କେନ୍ଦ୍ରାପଡା, ଯାଜପୁର ପରି ୭ ଜିଲ୍ଲାକୁ ଛାଡିଦେଲେ ବାକି ୨୩ ଜିଲ୍ଲାରେ କଣ୍ଟ୍ରୋଲରେ କରୋନା । ଜୁନ୍ ୧୭ ପରେ ଏସବୁ ଜିଲ୍ଲାରେ ଅନଲକ୍ ପ୍ରକ୍ରିୟା ଆରମ୍ଭ କରାଯିବ । ସଂକ୍ରମଣ କମୁଥିଲେ ମଧ୍ୟ ବିପଦ ଏଯାଏ ଟଳିନାହିଁ । ଯେଉଁ ଜିଲ୍ଲାରେ ସଂକ୍ରମଣ ବଢୁଛି ସେଠାରେ ସର୍ଭେଲାନ୍ସକୁ ବଢାଇ ଦିଆଯାଇଛି । ଟେଷ୍ଟିଂ ଅଧିକ କରାଯିବା ସହ ସଂକ୍ରମିତଙ୍କୁ ଚିହ୍ନଟ କରି ଆଇସୋଲେଟ୍ କରାଯାଉଛି । ଆଗାମୀ ଦିନରେ ଏସବୁ ଜିଲ୍ଲାରେ କଟକଣା କଡାକଡି କରାଯିବ ବୋଲି ଜନସ୍ୱାସ୍ଥ୍ୟ ନିର୍ଦ୍ଦେଶକ କହିଛନ୍ତି ।

ରାଜ୍ୟରେ ନିୟନ୍ତ୍ରଣକୁ ଆସୁଛି ସଂକ୍ରମଣ, କମୁଛି ପଜିଟିଭିଟି ହାର । ଅଧିକାଂଶ ଜିଲ୍ଲାରେ ଦୈନିକ ସଂକ୍ରମଣ ୫ଶହ ତଳେ ରହୁଛି । ହେଲେ ମୃତ୍ୟୁରେ ଲାଗୁନି ବ୍ରେକ୍ । ପୂର୍ବରୁ ସଂକ୍ରମିତ ହୋଇଥିବା ଗୁରୁତର ରୋଗୀଙ୍କର ମୃତ୍ୟୁ ହେଉଥିବା ଡିଏମଇଟି ନିର୍ଦ୍ଦେଶକ କହିଛନ୍ତି । ସେପଟେ ସଂକ୍ରମଣ କମୁଥିବାରୁ ଆଗକୁ ଲକ୍‌ଡାଉନ୍ ଆବଶ୍ୟକ ହେବନାହିଁ ବୋଲି ସ୍ୱାସ୍ଥ୍ୟ ବିଶେଷଜ୍ଞ କହିଛନ୍ତି ।

ରାଜ୍ୟରେ ତୃତୀୟ ଲହର ସେତେଟା ଘାତକ ହେବ ନାହିଁ ବୋଲି ସ୍ୱାସ୍ଥ୍ୟ ବିଶେଷଜ୍ଞ ଆକଳନ କରିଛନ୍ତି । ତୃତୀୟ ଲହରରେ ଶିଶୁ ଅଧିକ ଆକ୍ରନ୍ତ ହେଲେବି ମୃତ୍ୟୁ କମ୍ ରହିବ ବୋଲି ବିଭିନ୍ନ ଗବେଷଣାରୁ ଜଣାପଡିଛି । ତେବେ ପରିସ୍ଥିତି ଅନୁକୂଳ ହେଲେ ସରକାର ଅନଲକ୍ ପ୍ରକ୍ରିୟାକୁ ଯିବେ ବୋଲି ସ୍ୱାସ୍ଥ୍ୟ ବିଭାଗ କହିଛି ।

Opn Commnet Area

Leave a Reply

Your email address will not be published. Required fields are marked *

Close Bitnami banner