ପଞ୍ଚମ ଦିନରେ ବଜେଟକୁ ନେଇ ସରକାରଙ୍କୁ ଘେରିପାରନ୍ତି ବିରୋଧୀ

ଭୁବନେଶ୍ୱର : ବଜେଟ ଅଧିବେଶନର ଅଜି ପଞ୍ଚମ ଦିନ। ଆଜି କୃଷି ଓ କୃଷକ ସଶକ୍ତିକରଣ, ବିଦ୍ୟାଳୟ ଓ ଗଣଶିକ୍ଷା ବିଭାଗ, ଉଚ୍ଚଶିକ୍ଷା, ଶିଳ୍ପ, ଏସସି, ଏସଟି, ପଛୁଆ ବର୍ଗ, କ୍ରୀଡା ଓ ଯୁବ ବ୍ୟାପାର, ଦକ୍ଷତା ବିକାଶ ଓ ବୈଷୟିକ ଶିକ୍ଷା, ଓଡ଼ିଆ ଭାଷା ସାହିତ୍ୟ ଓ ସଂସ୍କୃତି, ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗର ପ୍ରଶ୍ନକାଳ ରହିଛି। ବିଧାୟକମାନେ ଚାହିଁଲେ ଭିନ୍ନ ପ୍ରଶ୍ନ ପଚାରି ପାରିବେ। କଂଗ୍ରେସ ପକ୍ଷରୁ ୨୦୨୪ ପୁରୀ ରଥଯାତ୍ରା ନୀତିରେ ମହା ବିଭ୍ରାଟ, ସରକାର ନୀରବ ନେଇ ମୁଲତବୀ ପ୍ରସ୍ତାବ ଦିଆ ଯାଇଛିl ଏ ପ୍ରସଙ୍ଗରେ ଆଇନ୍ ମନ୍ତ୍ରୀ ଉତ୍ତର ରଖିବେ। ଏହାସହ ବାର୍ଷିକ ରିପୋର୍ଟ ଉପସ୍ଥାପନ ହେବ। ସେପଟେ ବିରୋଧୀ ଶୂନ୍ୟକାଳରେ ଚଳିତ ବଜେଟକୁ ନେଇ ସରକାରକୁ ଘେରିବା ପାଇଁ ରଣନୀତି ପ୍ରସ୍ତୁତ କରିଥିବା ବେଳେ ଶାସକ ଦଳ ମଧ୍ୟ ବିରୋଧୀଙ୍କୁ କାଉଣ୍ଟର ଜବାବ ଦେବାକୁ ପ୍ରସ୍ତୁତ ହୋଇଛି ।