’ଟେନସନ ଦେଉଛି ଆୟୁଷ୍ମାନ ଯୋଜନା’

ନନ୍ଦିଘୋଷ ବ୍ୟୁରୋ: ଟେନସନ ଦେଉଛି ଆୟୁଷ୍ମାନ ଯୋଜନା । ଆୟୁଷ୍ମାନ କାର୍ଡ ନଥିବାରୁ ମିଳିଲାନି ମାଗଣା ଚିକିତ୍ସା । ବାଧ୍ଯ ହୋଇ ରାଜ୍ଯ ବାହାରୁ ଘରକୁ ଫେରିଲେ କ୍ଯାନସର ପୀଡିତା । କଳାହାଣ୍ଡି ଜିଲ୍ଲା କୋକସରା ବ୍ଲକ କାଉଡୋଳା ଗାଁରୁ ଆସିଲା ସଙ୍ଗୀନ ଅଭିଯୋଗ । ସରକାର ଏଥିପ୍ରତି ଦୃଷ୍ଟି ଦେବାକୁ ଦାବି ।

ଭଲ ଥିଲା ବିଏସକେଓ୍ବାଇ । ଚିନ୍ତା ବଢ଼ାଉଛି ଆୟୁଷ୍ମାନ ଯୋଜନା । ଆୟୁଷ୍ମାନ କାର୍ଡ ନଥିବାରୁ ମିଳିଲାନି ମାଗଣା ଚିକିତ୍ସା । ବାଧ୍ଯ ହୋଇ ରାଜ୍ଯ ବାହାରୁ ଘରକୁ ଫେରିଲେ କ୍ଯାନସର ପୀଡିତା । ଏଭଳି କିଛି ସଙ୍ଗୀନ ଅଭିଯୋଗ ଆସିଛି କଳାହାଣ୍ଡି ଜିଲ୍ଲା କୋକସରା ବ୍ଲକ କାଉଡୋଳା ଗାଁରୁ । ଗାଁର କୁଶ ସରାବୁଙ୍କ ସ୍ତ୍ରୀ ଜମ୍ବୁ ବତି ଜଣେ କ୍ଯାନସର ପୀଡିତା । ସେ ବିଏସକେଓ୍ବାଇ କାର୍ଡ ଜରିଆରେ ଆନ୍ଧ୍ରପ୍ରଦେଶ ବିଶାଖାପାଣାର ଆପୋଲୋ କ୍ୟାନସର ହସ୍ପିଟାଲରେ ଚିକିତ୍ସିତ ହେଉଥିଲେ । ଏବେ ସେହି କାର୍ଡ ରଦ୍ଧ ହେବା ପରେ ସେ ଚିକିତ୍ସା ନପାଇ ବାଧ୍ଯ ହୋଇ ଘରକୁ ଫେରିଛନ୍ତି ।

ଜମ୍ବୁ ବତି ସରାବୁଙ୍କ ସ୍ଵାମୀ କୁଶ ସରାବୁ ଦୁର୍ଘଟଣାରେ ଗୋଟେ ଗୋଡ ହରାଇ ବସିଛନ୍ତି । ପେଶାରେ ଜଣେ ବଣିକ । ପୂର୍ବରୁ ସ୍ବାମୀ ସ୍ତ୍ରୀ ବିଜୁ ସ୍ବାସ୍ଥ୍ୟ କାର୍ଡରେ ଚିକିତ୍ସା ସେବା ପାଉଥିଲେ । ଏବେ ତାଙ୍କ ନାଁରେ ଆୟୁଷ୍ମାନ କାର୍ଡ ନଆସିଥିବାରୁ ମାଗଣା ଚିକିତ୍ସା ପାଇ ପାରୁନାହାଁନ୍ତି । ସମସ୍ଯା ନେଇ ସ୍ୱାସ୍ଥ୍ୟମନ୍ତ୍ରୀ, ମୁଖ୍ୟମନ୍ତ୍ରୀ, ସ୍ଥାନୀୟ ସାଂସଦଙ୍କୁ ଜଣାଇଥିଲେ ବି ଏଯାଏଁ କୌଣସି ସୁଫଳ ପାଇ ପାରି ନାହାନ୍ତି ।