ପ୍ରଶ୍ନକାଳ ଆରମ୍ଭରୁ ଗୃହ ଚଳାଇ ଦେଲେନି ବିରୋଧୀ
ଭୁବନେଶ୍ୱର: ପ୍ରଶ୍ନକାଳ ପରେ ଶୂନ୍ୟକାଳରେ ବିଧାନସଭାରେ ହଟ୍ଟଗୋଳ । ପ୍ରଶ୍ନକାଳ ଆରମ୍ଭରୁ ବାଚସ୍ପତିଙ୍କ ପୋଡ଼ିୟମ୍ ତଳେ କଂଗ୍ରେସ ଓ ବିଜେପି ସଦସ୍ୟ ମାନେ ହୋ ହଲ୍ଲା କରିଥିଲେ । ପ୍ରଶ୍ନକାଳରେ ଧାନ ସଂଗ୍ରହ ନେଇ ଖାଦ୍ୟ ଯୋଗାଣ ମନ୍ତ୍ରୀ ଉତ୍ତର ରଖୁଥିବା ବେଳେ ବିରୋଧୀ ପାଟିତୁଣ୍ଡ କରିଥିଲେ । ଶୂନ୍ୟକାଳ ଆରମ୍ଭରୁ ପୁଣି ଗୃହରେ ଅନୁରୂପ ସ୍ଥିତି ଦେଖିବାକୁ ମିଳିଥିଲା ।
କଂଗ୍ରେସ ଓ ବିଜେପି ବିଧାୟକଙ୍କ ନାରାବାଜି ପାଇଁ ପ୍ରଥମେ ଗୃହ କାର୍ଯ୍ୟକୁ ବାଚସ୍ପତି ଦିନ ୧୧ଟା ୩୦ ଯାଏଁ ମୁଲତବି ରଖିଥିଲେ । ପରେ ବିଧାନସଭାକୁ ଅପରାହ୍ଣ ୪ଟା ଯାଏଁ ମୁଲତବି ରଖିଛନ୍ତି ବାଚସ୍ପତି । ଆଜି ବିଧାନସଭାରେ କୃଷି ଓ କୃଷକ ସଶକ୍ତିକରଣ, ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ, ବିଦ୍ୟାଳୟ ଓ ଗଣଶିକ୍ଷା ବିଭାଗର ପ୍ରଶ୍ନ ସମ୍ପର୍କରେ ଆଲୋଚନା ହେବାର ରହିଛି । ଏହାସହ ଉଚ୍ଚଶିକ୍ଷା ସମବାୟ ଓ ମତ୍ସ୍ୟ ଓ ପଶୁ ସମ୍ପଦ ବିକାଶ ଉପରେ ଆଲୋଚନା ହେବ ।
