ତେଲ ଦର ବୃଦ୍ଧି ପ୍ରତିବାଦରେ ବାମ ଦଳର ବନ୍ଦ ପାଳନ: ପେଟ୍ରୋଲ, ଡିଜେଲ ଓ ଗ୍ୟାସ୍ ନ କିଣିବାକୁ ଆହ୍ୱାନ

ଜୟପୁର:  ପେଟ୍ରୋଲ, ଡିଜେଲ ଓ ରନ୍ଧନ ଗ୍ୟାସ ସହିତ ଅତ୍ୟାବଶ୍ୟକ ସାମଗ୍ରୀର ଅହେତୁକ ଦରଵୃଦ୍ଧି ପ୍ରତିବାଦରେ ୬ ଘଣ୍ଟିଆ ଓଡ଼ିଶା ବନ୍ଦ କରିଛି ବାମ ଦଳ । ସକାଳ ୬ଟାରୁ ଦିନ ୧୨ଟା ପର୍ଯ୍ୟନ୍ତ ବନ୍ଦ ପାଳନ କରାଯାଉଛି । ଦୋକାନ ବଜାର ବନ୍ଦ ଥିବା ବେଳେ, ଗାଡି ଚଳାଚଳ ବନ୍ଦ ରହିଛି । ଏହି ସମୟରେ କେବଳ ଅତ୍ୟାବଶ୍ୟକ ସେବା, ଆମ୍ବୁଲାନ୍ସ ସେବା ଜାରି ରହିବ । ତେବେ ବାମଦଳର ଓଡ଼ିଶଶ ବନ୍ଦ ଡାକରାକୁ ସମର୍ଥନ କରିଛି କଂଗ୍ରେସ । ଦର ବୃଦ୍ଧି ପ୍ରତିବାଦରେ ଆଜି ଗୋଟିଏ ଦିନ ପେଟ୍ରୋଲ, ଡିଜେଲ ଓ ଗ୍ୟାସ ନକିଣିବା ପାଇଁ ଦଳ ଲୋକଙ୍କୁ ଅପିଲ କରିଛି । ରାଉରକେଲାର ବିଭିନ୍ନ ଛକରେ ବିକ୍ଷୋଭ ପ୍ରଦର୍ଶନ କରାଯାଉଛି । ସହରର ସମସ୍ତ ପେଟ୍ରୋଲ ପମ୍ପ ବନ୍ଦ ରହିଛି । ଆମ୍ଵାଗାନ ଛକ, ବିଶ୍ରାଛକ, ଘରୋଇ ବସଣ୍ଟାଣ୍ଡ, ବେଦବ୍ୟାସ ଛକର ବିକ୍ଷୋଭ ପ୍ରଦର୍ଶନ କରାଯାଉଛି । କେନ୍ଦ୍ର ସରକାର ତୁରନ୍ତ ରନ୍ଧନ ଗ୍ୟାସ, ପେଟ୍ରୋଲ ଓ ଡିଜେଲ ଦର ହ୍ରାସ କରିବା ପାଇଁ ବାମପନ୍ଥୀ ଦଳ ଦାବି କରିଛି ।

ଏଥିସହିତ ପଢ଼ନ୍ତୁ: କରୋନା କଟକଣା ନେଇ ଆଜି ସାଢ଼େ ୨ଟାରେ ବଡ଼ ଘୋଷଣା କରିବେ ରାଜ୍ୟ ମୁଖ୍ୟ ଶାସନ ସଚିବ