ଟ୍ରେନ୍ରେ ଓଡ଼ିଶା ଅଭିମୁଖେ ବାହାରିଲେ ସୁରତର ପ୍ରବାସୀ ଓଡ଼ିଆ
1 min read
ବ୍ରହ୍ମପୁର: ସୁପ୍ରିମକୋର୍ଟଙ୍କ ରହିତାଦେଶ ପରେ ଓଡ଼ିଶା ଅଭିମୁଖେ ସୁରତରେ ରହୁଥିବା ପ୍ରବାସୀ ଓଡ଼ିଆ । ଶନିବାର ସୁରତରୁ ଓଡ଼ିଶା ଆଭିମୁଖେ ବାହାରିଛି ସ୍ୱତନ୍ତ୍ର ଶ୍ରମିକ ଟ୍ରେନ୍ । ଏହି ଟ୍ରେନ୍ରେ ପ୍ରାୟ ୧୨ଶହ ପ୍ରବାସୀ ଫେରୁଥିବାର ସୂଚନା ରହିଛି । ପୂର୍ବରୁ ପ୍ରବାସୀଙ୍କ ଘର ବାହୁଡ଼ା ନେଇ ଓଡ଼ିଶା ହାଇକୋର୍ଟରେ ଦାୟର ହୋଇଥିବା ଜନସ୍ୱାର୍ଥ ମାମଲାର ଶୁଣାଣି କରି ଗୁରୁତ୍ୱପୂର୍ଣ୍ଣ ପରାମର୍ଶ ଦେଇଥିଲେ ମାନ୍ୟବର ହୋଇକୋର୍ଟ ।
ପ୍ରବାସୀ ଓଡ଼ିଆ ବସରେ ନୁହେଁ ଟ୍ରେନରେ ଘରକୁ ଫେରିବେ, ନିୟମ ଭାଙ୍ଗିଲେ ଦଣ୍ଡ
ଫେରିବାକୁ ଆଗ୍ରହୀ ଥିବା ପ୍ରବାସୀଙ୍କ ରିପୋର୍ଟ ନେଗେଟିଭ୍ ଆସିଲେ ହିଁ ସେମାନଙ୍କୁ ଫେରାଇ ଆଣିବାକୁ ପରାମର୍ଶ ଦେଇଥିଲେ ମାନ୍ୟବର କୋର୍ଟ । ତେବେ ପରେ ମାନ୍ୟବର ସୁପ୍ରିମକୋର୍ଟ ଓଡ଼ିଶା ହାଇକୋର୍ଟଙ୍କ ଏହି ରାୟ ଉପରେ ରହିତାଦେଶ ଶୁଣାଇଥିଲେ । ଏହା ପରେ ଶନିବାର ସ୍ୱତନ୍ତ୍ର ଶ୍ରମିକ ଟ୍ରେନ୍ ଯୋଗେ ଓଡ଼ିଶା ଅଭିମୁଖେ ବାହାରିଛନ୍ତି ପ୍ରବାସୀ ଓଡ଼ିଆ । ମାନ୍ୟବର ସୁପ୍ରିମକୋର୍ଟଙ୍କ ଏହି ନିଷ୍ପତ୍ତି ପ୍ରବାସୀଙ୍କୁ ଆଶ୍ୱସ୍ତ କରିଛି ।
ସେମାନେ ଓଡ଼ିଶା ଫେରୁଥିବାରୁ ଅତ୍ୟନ୍ତ ଖୁସି ବ୍ୟକ୍ତ କରିଛନ୍ତି । ଷ୍ଟେସନ୍ ପରିସରରେ ଜୟ ଜଗନ୍ନାଥ କହି ଯାତ୍ରା ଆରମ୍ଭ କରିଛନ୍ତି ପ୍ରବାସୀ ଓଡ଼ିଆ । ତେବେ ଓଡ଼ିଶାର ନିର୍ଦ୍ଦିଷ୍ଟ ଷ୍ଟେସନ୍ରେ ହିଁ ରହିବ ଟ୍ରେନ୍ । ଏହା ପରେ ପ୍ରବାସୀଙ୍କୁ ସେମାନଙ୍କ ଜିଲ୍ଲାର ପ୍ରଶାସନ ପାଛୋଟି ନେଇ କ୍ୱାରେଣ୍ଟାଇନ୍ ସେଣ୍ଟରରେ ରଖିବେ ।
https://www.facebook.com/NandighoshaTV/videos/2918652674896753/
ପୂର୍ବରୁ ୧୪ ଦିନ କ୍ୱାରେଣ୍ଟାଇନ୍ ସେଣ୍ଟରରେ ରହିବାକୁ ପଡ଼ୁଥିବା ବେଳେ ନୂଆ ନୟମ ଅନୁଯାୟୀ ସେମାନଙ୍କୁ ୨୮ ଦିନ କ୍ୱାରେଣ୍ଟାଇନ୍ ସେଣ୍ଟରରେ ରହିବାକୁ ପଡ଼ିବ । ପ୍ରଥମ ୨୧ ଦିନ ସରକାରୀ କ୍ୱାରେଣ୍ଟାଇନ୍ରେ ରହିବା ପରେ ଅନ୍ୟ ୭ ଦିନ ଘରେ କ୍ୱାରେଣ୍ଟାଇନ୍ରେ ରହିବେ ।
