କରୋନାରେ ପରମାଣୁ ବିଜ୍ଞାନୀ ସେଖର ବାସୁଙ୍କ ଦେହାନ୍ତ

କୋଲକାତା: ଜଣାଶୁଣା ଆଣବିକ ବିଜ୍ଞାନୀ ତଥା ପରମାଣୁ ଶକ୍ତି କମିଶନର ପୂର୍ବତନ ଅଧ୍ୟକ୍ଷ ଡକ୍ଟର ସେଖର ବାସୁଙ୍କ ମୃତ୍ୟୁ ହୋଇଛି । କୋଭିଡ୍ ଆକ୍ରାନ୍ତ ୬୮ ବର୍ଷୀୟ ସେଖର ବାସୁ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ବରଣ କରିଛନ୍ତି । ସେ କୋଭିଡ୍ ସହ କିଡନୀ ରୋଗରେ ପୀଡ଼ିତ ଥିଲେ ।

୨୦୧୪ ମସିହାରେ ସେଖର ବାସୁଙ୍କୁ ପଦ୍ମଶ୍ରୀ ସମ୍ମାନ ମିଳିଥିଲା । ସେ ଭାରତର ପ୍ରଥମ ଆଣବିକ ଶକ୍ତିସମ୍ପର୍ଣ୍ଣ ବୁଡ଼ାଜାହାଜ ଆଇଏନ୍ଏସ ଆରିହନ୍ତର କମ୍ପ୍ଲେକ୍ସ ରିଆକ୍ଟରର ନେତୃତ୍ୱ ନେଇଥିଲେ । ତାଙ୍କ ଦେହାନ୍ତରେ ରାଷ୍ଟ୍ରପତି ରାମନାଥ କୋବିନ୍ଦ, ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଶୋକ ପ୍ରକାଶ କରିଛନ୍ତି ।

୧୯୫୨ ମସିହା ସେପ୍ଟେମ୍ବର ୨୦ରେ ଜନ୍ମିତ ବାସୁ ସ୍କୁଲ ପଢ଼ା ସାରିବା ପରେ ୧୯୭୪ ମସିହାରେ ମେକାନିକାଲ ଇଞ୍ଜିନିୟରିଂରେ ସ୍ନାତକ ଶେଷ କରିଥିଲେ । ତାପରେ ଗୋଟିଏ ବର୍ଷର ଟ୍ରେନିଂ ସାରି ଭାବା ଆଣବିକ ରିସର୍ଚ୍ଚ ସ୍କୁଲରେ ରିଆକ୍ଟର ଇଞ୍ଜିନିୟର ବାବେ ୧୯୭୫ରେ ଯୋଗ ଦେଇଥିଲେ ।