ମହିଳା ବି କମ୍ ନୁହଁନ୍ତି, ନିଜେ ମାନୁଫାକଚରିଂ ୟୁନିଟ୍‌ କରି ହେଉଛନ୍ତି ସ୍ୱାବଲମ୍ବି

Mission Shakti

ବାଲେଶ୍ୱର: ମହିଳା ବି ପୁରୁଷଙ୍କ ଠାରୁ କିଛି କମ୍ ନୁହେଁ । ପରିବାର ପ୍ରତିପୋଷଣ ପାଇଁ ଆଗେଇ ଆସିଛନ୍ତି ମହିଳା । ନିଜ ଗୋଡରେ ନିଜେ ଠିଆ ହେବା ପାଇଁ ଆରମ୍ଭ କରିଛନ୍ତି ସଂଘର୍ଷ । ସ୍ୱୟଂ ସହାୟକ ଗୋଷ୍ଠୀ କରି ହୋଇଛନ୍ତି ସ୍ୱାବଲମ୍ବୀ । ରାଜ୍ୟ ସରକାର ମିଶନ ଶକ୍ତି ମାଧ୍ୟମରେ ବିଭିନ୍ନ ପ୍ରକାର ସାମଗ୍ରୀ ପ୍ରସ୍ତୁତ କରି ହେଉଛନ୍ତି ଲାଭବାନ ।

ମିଶନ ଶକ୍ତି ମାଧ୍ୟମରେ ସ୍ୱାବଲମ୍ବୀ ହେବା ପରେ ମୁଖ୍ୟମନ୍ତ୍ରୀଙ୍କୁ ଦେଇଛନ୍ତି ଧନ୍ୟବାଦ । ‘ଆମେ କାମ କରିବୁ, ନିଜ ଗୋଡ଼ରେ ନିଜେ ଛିଡା ହେବୁ, ପରିବାରର ଆବଶ୍ୟକତା ପୂରଣ କରିବୁ’ । ଏଭଳି କିଛି ଆହ୍ୱାନ ନେଇ ଆଗକୁ ବଢୁଛନ୍ତି ବାଲେଶ୍ୱର ଜିଲ୍ଲା ଖଇରା ବ୍ଲକ୍ ଶ୍ୟାମସୁନ୍ଦରପୁର ପଞ୍ଚାୟତ ମାଟିଆଳପଦା ଗାଁର ୪୦ରୁ ଉର୍ଦ୍ଧ୍ୱ ମହିଳା । ଆଉ ରାଜ୍ୟ ସରକାରଙ୍କ ମିଶନ ଶକ୍ତି ମାଧ୍ୟମରେ ବିଭିନ୍ନ ପ୍ରକାର ସାମଗ୍ରୀ ପ୍ରସ୍ତୁତ କରି ବିକ୍ରି କରୁଛନ୍ତି । ଏବଂ ରୋଜଗରକ୍ଷମ ହେଉଛନ୍ତି । ଏଥିରୁ ସେମାନେ ବେଶ ଦୁଇ ପାଇସା ଲାଭ ପାଉଛନ୍ତି ।

ଏହି ମହାଲକ୍ଷ୍ମୀ ସ୍ୱୟଂ ସହାୟକ ଗୋଷ୍ଠୀର ମାହିଳାମାନେ ବଡି, ସାନିଟାଇଜର, ନାପକିନ୍‌, ମାସ୍କ ଆଦି ବିଭିନ୍ନ ପ୍ରକାର ସାମଗ୍ରୀ ପ୍ରସ୍ତୁତ କରୁଛନ୍ତି । ଆଉ ଏହାକୁ ମିଶନ ଶକ୍ତି ମାଧ୍ୟମରେ ବିକ୍ରି କରି ଭଲ ଦିପଇସା ଲାଭ କରୁଛନ୍ତି । ତେବେ ପ୍ରତିକୂଳ ପରିସ୍ଥିତିରେ ମହିଳାମାନେ ନିଜ ପରିବାର ଆବଶ୍ୟକତା ପୂରଣ କରି ପାରୁଥିବାରୁ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି । ଏହି ମହିଳା ଗୋଷ୍ଠୀ ଏବେ ଅନ୍ୟ ମହିଳାଙ୍କ ପାଇଁ ଏକ ପ୍ରକାର ପ୍ରେରଣାଦାୟୀ ।

Leave a Reply