ଜଣେ ବ୍ୟକ୍ତି ଓ ଦୁଇ ସଙ୍ଗଠନକୁ ନୋବେଲ ଶନ୍ତି ପୁରସ୍କାର

ନୂଆଦିଲ୍ଲୀ: ଚଳିତବର୍ଷର ନୋବେଲ ଶାନ୍ତି ପୁରସ୍କାର ପାଇଲେ ଜଣେ ବ୍ୟକ୍ତି ଓ ଦୁଇ ସଙ୍ଗଠନ । ବେଲାଋଷର ମାନବାଧିକାର କର୍ମୀ ଆଲିସ ବାଲିଆସ୍କି, ଋଷର ମାନବାଧିକାର ସଂଗଠନ ମେମୋରିଆଲ ଓ ୟୁକ୍ରେନର ମାନବାଧିକାର ସଂଗଠନ ସେଣ୍ଟର୍ ଫର୍ ସିଭିଲ୍ ଲିବରଟିଜକୁ ମିଳିଛି ଏହି ସମ୍ମାନଜନକ ନୋବେଲ ଶାନ୍ତି ପୂରସ୍କାର । ୧୯୮୦ ଦଶକରୁ ଦେଶରେ ଗଣତାନ୍ତ୍ରିକ ଆନ୍ଦୋଳନକୁ ଜାରି ରଖିବା ଓ ଶାନ୍ତିପୂର୍ଣ୍ଣ ସହାବସ୍ଥାନ ଲାଗି ଉଲ୍ଲେଖନୀୟ ଅବଦାନ ଦେଇ ଆସିଛନ୍ତି ବାଲିଆସ୍କି ।

ସେହିପରି ଋଷରେ ମାନବାଧିକାର ଉଲ୍ଲଂଘନ, ରାଜନୈତିକ ନିର୍ଯାତନା ସମ୍ପର୍କରେ ବିଶଦ ତଥ୍ୟ ଦେବା କ୍ଷେତ୍ରରେ ମାନବାଧିକାର ସଂଗଠନ ମେମୋରିଆଲକୁ ମିଳିଛି ପୁରସ୍କାର । ୟୁକ୍ରେନରେ ମାନବାଧିକାର ଓ ଗଣତନ୍ତ୍ରର ସୁରକ୍ଷା କ୍ଷେତ୍ରରେ ପ୍ରମୁଖ ଭୂମିକା ଗ୍ରହଣ କରିଥିବା ଦୃଷ୍ଟିରୁ ନୋବେଲ ଶାନ୍ତି ପୁରସ୍କାର ବିଜୟୀ ହୋଇଛି କିବସ୍ଥିତ ସେଣ୍ଟର୍ ଫର୍ ଲିବର୍ଟିଜ । ନିଜ ଦେଶରେ ନାଗରିକ ଅଧିକାରର ସୁରକ୍ଷା ତଥା କ୍ଷମତା କୈନ୍ଦ୍ରିକ ବ୍ୟବସ୍ଥାକୁ ସମାଲୋଚନା କରିବା କ୍ଷେତ୍ରକୁ ବିଚାରକୁ ନେଇ ସମସ୍ତଙ୍କ ଲାଗି ନୋବେଲ ପୁରସ୍କାର ଘୋଷଣା ହୋଇଛି । ଏହାସହ ଯୁଦ୍ଧ ଅପରାଧଗୁଡ଼ିକୁ ଡକ୍ୟୁମେଣ୍ଟ କରିବା କ୍ଷେତ୍ରରେ ବି ସେମାନେ ହୋଇଛନ୍ତ ସଫଳ । ଗତବର୍ଷ ଇଚ୍ଛା ପ୍ରକାଶ କରିବାର ଅଧିକାର କ୍ଷେତ୍ରରେ ଗୁରୁତ୍ବପୂର୍ଣ୍ଣ ଭୂମିକା ନେଇଥିବାରୁ ସାମ୍ବାଦିକ ମାରିଆ ରେସା ଓ ଦିମିତ୍ରି ମୁରାତୋଭଙ୍କୁ ମିଳିଥିଲା ନୋବେଲ ଶାନ୍ତି ପୁରସ୍କାର । ବର୍ତ୍ତମାନ ସୁଦ୍ଧା ୧୦୨ଜଣଙ୍କୁ ନୋବେଲ ଶାନ୍ତି ପୁରସ୍କାର ମିଳିଥିବାବେଳେ ସେମାନେଙ୍କ ମଧ୍ୟରେ ଅଛନ୍ତି ୧୮ ଜଣ ମହିଳା । ବର୍ତ୍ତମାନ ସୁଦ୍ଧା ୨୫ ଥର କୌଣସି ଏକ ସଂଗଠନକୁ ମିଳିଛି ନୋବେଲ ଶାନ୍ତି ।